நல்ல குளிர்கண்ணாடிக்கு..

ஸ்டைலை' விரும்பும் இளைஞர்கள், யுவதிகளின் தேர்வு குளிர்கண்ணாடிகள். ஆனால் இன்று `பேஷனுக்காக' அல்லாமல் கண்களைப் காப்பதற்கு என்றே குளிர்கண்ணாடிகளை அணியத் தொடங்கிஇருப்போர் அதிகம். நேரடியான சூரிய ஒளியின் அபாயத்தை அறிந்து பலர் குளிர்கண்ணாடி வாங்கி அணிய ஆரம்பித்திருக்கிறார்கள். சூரிய ஒளியின் புறஊதாக் கதிர்கள் உங்களின் கண்ணிமைகளை மட்டுமல்ல, கண்ணின் வெளித் தெரியும் பகுதிகளையும் பாதிக்கும். புறஊதாக் கதிர்கள், சிலவகை `காட்டராக்ட்'களையும் ஏற்படுத்தக் கூடும்.

குளிர்கண்ணாடிகள், புறஊதா ஏ கதிர்களில் இருந்து மட்டுமல்ல, மிகவும் தீங்கு பயக்கும் புறஊதா பி கதிர்களில் இருந்தும் உங்களைக் காக்கும். ஆனால் எல்லா குளிர்கண்ணாடிகளும் புறஊதாக் கதிர்களைத் தடுப்பதில்லை. கண்ணாடியே அணியாமல் இருப்பதை விட, புறஊதா தடுப்பு பாதுகாப்பு இல்லாத, வெறும் `கலர்' கண்ணாடியை அணிவது பாதிப்பை ஏற்படுத்தும் என்கிறார்கள் கண் மருத்துவர்கள்.

குளிர்கண்ணாடி வாங்க நீங்களும் தயாராகிவிட்டீர்களா? இதோ, இந்த விஷயங்களைக் கவனத்தில் கொள்ளுங்கள்...

புறஊதாக் கதிர் பாதுகாப்பு:

வண்ணம் அல்லது விலையை வைத்து மட்டும் ஒரு குளிர்கண்ணாடியைத் தேர்வு செய்யாதீர்கள். சூரிய ஒளியின் புறஊதாக் கதிர்களைத் தடுக்கும் திறன், கண்ணாடியின் அடர்வண்ணத்தையோ, விலையையோ பொறுத்தது அல்ல. 99 முதல் 100 சதவீதம் புறஊதாக் கதிர்களைத் தடுக்கும் என்று உத்தரவாதம் அளிக்கப்படும் குளிர்கண்ணாடிகளை மட்டும் தேர்வு செய்யுங்கள்.

வடிவம் முக்கியம்:

கண் பகுதியை பக்கவாட்டிலும் முழுவதுமாக மூடும் குளிர்கண்ணாடி, கூடுதல் பாதுகாப்பை அளிக்கும். அது, பக்கவாட்டிலிருந்து சூரியக் கதிர்கள் ஊடுருவுவதைத் தடுக்கும். சாதாரண `பிரேம்' கொண்ட குளிர்கண்ணாடிகளில் பக்கவாட்டில் இருந்து அதிகளவு புறஊதாக் கதிர்கள் ஊடுருவுவதை ஆய்வுகள் உறுதிப்படுத்தியிருக்கின்றன. எனவே சாதாரண `பிரேம்', குளிர்கண்ணாடிகளுக்கு உரிய பாதுகாப்பை அளிக்காது.

விலை விஷயம்:

எப்போதுமே சாலையோரக் கடையில் குளிர்கண்ணாடி வாங்காமல், அங்கீகாரம் பெற்ற தரமான கடையில் வாங்குங்கள். கூடுதல் விலை கொடுக்க வேண்டியிருந்தாலும், தரமான கண்ணாடியை மட்டுமே தேர்வு செய்யுங்கள். அதேநேரம், விலை அதிகமாக இருந்தால் மட்டும் தரமாக இருக்கும் என்றும் கருதி விடாதீர்கள்.

தரத்தைப் பரிசோதிப்பது:

குளிர்கண்ணாடியின் தரத்தை அறிய, அதன் வண்ணம் ஒரே சீராக இருக்கிறதா என்று பாருங்கள். கண்ணாடியில் குறைபாடு இருக்கிறதா என்று அறிய, கண்ணாடியை உங்கள் கை நீளத்தில் எட்டிப் பிடித்து, சற்றுத் தள்ளியுள்ள நேர்க்கோடான ஒன்றைப் பாருங்கள். உதாரணத்துக்குக் கதவின் விளிம்பு. அந்த நேர்க்கோட்டுக்குக் குறுக்காகக் கண்ணாடியை மெதுவாக நகர்த்துங்கள். அப்போது நேர்க்கோடு சிதைவுற்றாலோ, நகர்ந்தாலோ, வளைந்தாலோ, ஊசலாடினாலோ கண்ணாடியில் குறைபாடு இருக்கிறது என்று அர்த்தம். `கான்டாக்ட் லென்ஸ்'களை குளிர்கண்ணாடிக்கு மாற்றாகப் பயன்படுத்தக் கூடாது.

டிஜிட்டல் சாதனத்திற்கான தகவல் குறிப்புகள்

அன்றாட உலகில் நாம் டிஜிட்டல் சாதனம் இல்லாமல் நம் வேலைகளைத் தொடர முடியாது. இவை கால்குலேட்டரிலிருந்து கம்ப்யூட்டர் வரை, மொபைல் போன் முதல் டிஜிட்டல் கேமரா வரை, தொலைக்காட்சி முதல் வாஷிங் மெஷின் வரை பல வகைப்படுகின்றன. இவற்றினை வாங்கும்போது, இவை பயன்படுத்துவது குறித்த தகவல் நூல் ஒன்று யூசர் மெனுவல் (User Manual ) என்ற பெயரில் தரப்படுகிறது. ஆனால் நம்மில் பலர் இதனை அவ்வளவாகப் பயன்படுத்துவது இல்லை. படிப்பதும் இல்லை. இதனால் நாளடைவில் இவை வீடுகளில் பரண்களில் இடம் பிடிக்கின்றன. பின் நாளில் ஏதேனும் பிரச்னை வந்து, டெக்னீஷியனிடம் ரிப்பேர் பார்க்கச் செல்கையில், இதனுடன் தரப்பட்ட யூசர் மேனுவல் எங்கே என்று அவர் கேட்கும்போதுதான், ஊறுகாயைக் கடித்த நிலையில், அய்யோ அதை எங்கேயோ பத்திரமாக வைத்திருக்கிறோம். ஆனால் எங்கிருக்கிறது என்று தெரியவில்லையே என்று கைகளைப் பிசைகிறோம். இதற்கு தீர்வு தரும் வகையில் ஓர் இணைய தளம் இயங்குகிறது. இங்கு சென்றால், பெரும்பாலான டிஜிட்டல் சாதனங்களுக்கான யூசர் மேனுவல் கிடைக்கிறது. டவுண்லோட் (இலவசமாத் தானுங்க) செய்து அச்செடுத்து வைத்துக் கொள்ளலாம். இந்த இணைய தள முகவரி : http://www.retrevo.com/samples/index.html இதில் உள்ள பிரிவுகளில் இருந்து நாம் தேடும் சாதனத்தின் பெயர் அல்லது நிறுவனத்தின் பெயரைக் கொடுத்து எளிதாகத் தேடி அறியலாம். குறிப்பிட்ட சாதனத்தின் மாடல் எண்ணையும் தந்து சரியான யூசர் மேனுவலைப் பெறலாம்.

சீரக‌த்‌தி‌ன் மரு‌த்துவ குண‌ங்க‌ள்

‌சீரக‌ம் பொதுவாக உடலு‌க்கு ந‌ல்லது எ‌ன்று பலரு‌க்கு‌ம் தெ‌ரி‌யு‌ம். அதனை எ‌ந்த ‌விஷய‌த்‌தி‌ற்கு எ‌வ்வாறு பய‌ன்படு‌த்த வே‌ண்டு‌ம் எ‌ன்றுதா‌ன் தெ‌ரிவ‌தி‌ல்லை.

வா‌ந்‌தி எடு‌த்தவ‌ர்களு‌க்கு, வெறு‌ம் கடா‌யி‌ல் ‌சீரக‌த்தை‌ப் போ‌ட்டு வறு‌த்து அ‌தி‌ல் த‌ண்‌ணீ‌ர் ஊ‌ற்‌றி கொ‌தி‌க்க வை‌த்த கஷாய‌த்தை‌க் கொடு‌க்க வா‌ந்‌தி ‌நி‌ற்கு‌ம்.

சீரகம் சேர்த்து கொதிக்க வைத்த தண்ணீரை ஆறவைத்து அடிக்கடி குடித்து வந்தால் அஜீரணக் கோளாறுகள் நீங்கும்.

சீரகத்தை வாயில் போட்டு குளிர்ந்த தண்ணீரை குடித்தால் தலைச்சுற்றல், மயக்கம் நீங்கி விடும்.

திராட்சை பழ‌ச்சாறுடன் சீரகம் கலந்து பருகி வர இரத்த அழுத்தத்தை கட்டுப்படுத்தலாம்.

அகத்திக்கீரையுடன் சீரகம், சின்ன வெங்காயம் சேர்த்து கஷாயம் சாப்பிட்டு வந்தால் மனநோய் குணமாகும்.

வறுத்த சீரகத்துடன் கருப்பட்டி சேர்த்து சாப்பிட்டு வந்தால் நரம்புத் தளர்ச்சி குணமாகும்.

சீரகத்துடன் பூண்டை அரைத்து எலுமிச்சை சாறு கலந்து குடித்து வந்தால் குடல் நோய்கள் குணமாகும்.

குரோம் பிரவுசர் - திறன் கூட்டும் வழிகள்
சென்ற வாரம் முழுவதும் இன்டர்நெட் எக்ஸ்புளோரர் பதிப்பு 9 குறித்து பல்வேறு செய்திகளும் தகவல்களும் இணையத்தில் குவிந்தன. பலர் இ.எ.பிரவுசர் 9 ஐ தங்கள் கம்ப்யூட்டரில் நிறுவி அதன் பல புதிய அம்சங்களைப் பயன்படுத்திப் பார்த்தனர். சிலர் அதனையே தொடர்ந்து பயன்படுத்தி வருகின்றனர். சிலர் தங்களின் பழைய பிரவுசருக்கே திரும்பி விட்டனர். இரண்டாவது பிரிவைச் சேர்ந்த ஒருவர், குரோம் பிரவுசர் பதிப்பு 6ல் தன் பயன்பாட்டினைத் தொடர்ந்து, அதில் தான் மேற்கொண்ட பல புதிய ட்ரிக்ஸ் குறித்து நீண்ட கடிதம் எழுதி உள்ளார். அதில் உள்ள சில தகவல்கள் ஆர்வமூட்டுவதாய் இருந்தன. அவற்றை இங்கு பார்க்கலாம்.
கூகுளின் குரோம் 6 தேவையற்ற இன்டர்பேஸ் வழிகள் எதுவும் இல்லாதது. அதன் திடமான இயக்கமும், வேகமும் நிச்சயமாக அதற்கான பெருமையைத் தேடித்தருவதாகவே உள்ளது. இத்துடன் இதனை இன்னும் அதிக பயனுள்ளதாக அமைக்க, கீழ்க்காணும் சில ட்ரிக்குகளை மேற்கொள்ளலாம்.
1. தொடங்கும் இணையப் பக்கம்: ஒவ்வொரு பிரவுசரும், நாம் விரும்பும் இணையப் பக்கம் ஒன்றை நம் ஹோம் பேஜாக அமைத்திட வசதி தருகிறது. ஆனால் குரோம் பிரவுசர் இதற்கும் மேலாக கூடுதல் வசதியினைத் தருகிறது. ஒன்றுக்கும் மேலான இணையப் பக்கங்களை, இணைய உலா தொடங்கும் பக்கங்களாக அமைத்திட வழி தருகிறது.இதற்கு வலது மேல் மூலையில் உள்ள பைப் ரெஞ்ச் ஐகானின் மீது கிளிக் செய்திடவும். கிடைக்கும் பிரிவுகளில் “options” “basics” ஆகியனவற்றை கிளிக் செய்திடவும். பின்னர் “open the following pages”என்பதன் அருகே உள்ள பாக்ஸில் டிக் அடையாளத்தை ஏற்படுத்தவும். இதில் “ add” என்பதில் கிளிக் செய்தால், ஒரு விண்டோ கிடைக்கும். இந்த விண்டோவில் அண்மையில் நீங்கள் பார்த்த இணைய தளங்களின் முகவரிகள் பட்டிய லிடப்படும். இவற்றில் நீங்கள் இணையத் தொடர்பினைத் தொடங்கும்போது, இணைப்பு இறக்கி உங்களுக்குக் காட்ட வேண்டிய, இணைய தளத்தின் முகவரியைத் தேர்ந்தெடுக்கவும். அல்லது நீங்கள் விரும்பும் தளத்தின் முகவரியை இதில் டைப் செய்திடவும்.
2. சர்ச் இஞ்சின் மாற்றுக: குரோம் பிரவுசர், கூகுள் மட்டுமின்றி வேறு தேடுதல் சாதனங்களையும், பிரவுசரில் இணைக்க வழி தந்துள்ளது. நீங்கள் அடிக்கடி பயன்படுத்தும் தேடுதல் சாதனம் குரோம் பிரவுசரில் இல்லாமல் இருக்கலாம். அவற்றில் ஒன்றை இந்த பிரவுசரிலேயே தேடுதல் தளமாக அமைக்க விரும்பினால், வழக்கம்போல பைல் ரென்ச் ஐகானில் கிளிக் செய்திடவும். அதன் பின் “options”/ “manage” எனச் செல்லவும். தேடுதல் சாதனத்திற்கான பிரிவைக் காணவும். இங்கு நீங்கள் விரும்பும் தேடுதல் சாதனம் கிடைத்தால், அதனைத் தேர்ந்தெடுத்து “make default” என்ற பட்டனை அழுத்தவும்.
3.அவசரத்தில் மூடிய தளம் திறக்க: அதிக எண்ணிக்கையில் இணைய தளங்களைத் திறந்து பணியாற்றுகையில், சில வேளை களில் எந்த தளத்திற்கான டேப் எது என்று அறியாமல், அதனை மூடிவிடுவோம். மூடிய பின்னரே, அதற்கான முகவரி நினைவில் இல்லாமல், அல்லது எப்படி அந்த தளத்தினைத் திறந்தோம் என்று தெரியாமல் குழப்பத்தில் இருப்போம். இவ்வாறு மூடிய பத்து தளங்களை மீண்டும் பெற குரோம் பிரவுசரில் வழி உள்ளது. Ctrl+shift+T என்ற கீகளை அழுத்தினால், இறுதியாக மூடப்பட்ட தளம் மீண்டும் திறக்கப்படும். இப்படியே மீண்டும் மீண்டும் அழுத்த, மூடப்பட்ட பத்து தளங்களைத் திரும்பப் பெறலாம்.
4. பிரவுசர் பாரில் டேப்: புக்மார்க் பார்கள் மிக வேகமாக நிரம்பப் பெறும். இதனால் தளங்கள் அதிக எண்ணிக்கையில் திறக்கப்படுகையில், சில டேப்கள் நம் பார்வையில் இருந்து மறையும். இணையத்தில் இருக்கும் ஒரு வேளையில், குறிப்பிட்ட சில தளங்களை அடிக்கடி திறந்து பார்க்க வேண்டிய திருப்பின், இந்த தள டேப்கள் நம் பார்வையில் இருந்து மறைக்கப்படுவதால், நமக்கு சற்று சிரமம் ஏற்படும். இதற்குத் தீர்வாக குரோம் ஒரு வழி தருகிறது. புக்மார்க் ஒன்றை அட்ரஸ் பாரில் குத்தி (pin) வைக்க இந்த வழி உதவுகிறது. அப்படிக் குத்தி வைத்திடுகையில், ஒரு சிறிய ஐகான், அந்த தளத்தின் பிரதிநிதியாக அட்ரஸ் பாரில் அமர்ந்து கொள்கிறது. இதனைக் கிளிக் செய்து, தளத்தினை எளிதாகப் பெறலாம். இவ்வாறு குத்தி வைத்திட, எந்த தளத்தை இப்படி அமைக்க வேண்டுமோ, அந்த டேப்பின் மீது ரைட் கிளிக் செய்திடவும். கிடைக்கும் பட்டியலில் “pin tab” என்று இருப்பதனைக் கிளிக் செய்திடவும். பின்னர் இது வேண்டாம் என்று கருதினால், மீண்டும் ரைட் கிளிக் செய்து கிடைக்கும் பட்டியலில் “unpin” என்பதில் கிளிக் செய்திட, ஒட்டிக் கொண்டிருந்த சிறிய ஐகான் நீக்கப்படுவதனைக் காணலாம். நீங்கள் பிரவுசரை எப்போது மூடுகிறீர் களோ, அப்போது, இவ்வாறு குத்தப்பட்ட அனைத்து தளங்களின் ஐகான்களும் நீக்கப்படும். இந்த செட்டிங்ஸ் அந்த பிரவுசிங் காலத்திற்கு மட்டுமே.
5. குரோம் நினைவகம்: குரோம் பிரவுசர் அதன் வேகத்திற்குப் பெயர் பெற்றது. அப்படி இருந்தும் சில வேளைகளில் வேகம் குறைகிறதா? ஒரு டேப் தவிர மீதம் உள்ள அனைத்து டேப்களையும் மூடவும். இதற்கு Ctrl+W R களை அடுத்தடுத்து அழுத்தினால், அவை ஒவ்வொன்றாக மூடப்படும். ஒரு டேப் மட்டும் வைத்துக் கொண்டு மற்றவற்றை மூடவும். மீண்டும் இவற்றைத் திறக்க Ctrl+Shift+T ஆகிய கீகளை அழுத்தவும். மூடப்பட்ட அனைத்தும் ஒவ்வொன்றாகத் திறக்கப்படும். இதனை அவ்வப்போது செயல்படுத்தினால், குரோம் எடுத்துக் கொள்ளும் மெமரி ரெப்ரெஷ் செய்யப்பட்டு, வேகம் குறையாது. இதற்கு இன்னொரு வழியும் உள்ளது. குரோம் தொகுப்பின் டாஸ்க் மானேஜர் செயல்பாட்டினை இயக்கலாம். இதனைப் பெற ஷிப்ட் + எஸ்கேப் (Shift+Esc) கீகளை அழுத்தவும். இப்போது கிடைக்கும் பட்டியலில், திறந்திருக்கும் தளங்களில் எந்த தளம் அதிக மெமரி இடத்தினை எடுத்துக் கொள்கிறது என்று பார்க்கவும். அதனைத் தேர்ந்தெடுத்து, “end process” என்பதனை அழுத்தி இயக்கத்தினை மூடவும். இன்னும் தெளிவாக குரோம் பிரவுசரின் மெமரி பயன்பாட்டினைப் பார்க்க வேண்டும் என்றால்,டேப் ஒன்றைத் திறந்து “about: memory” என டைப் செய்திடவும். இப்போது மற்ற பிரவுசர்கள் உங்கள் கம்ப்யூட்டரில் இயங்கிக் கொண்டி ருந்தால், அவை எடுத்துக் கொள்ளும் மெமரி இடமும் காட்டப்படும்.

ஒரு வானம்... மூன்று சூரியன்கள்!

நமது பூமியில் இருந்து 149 ஒளியாண்டு தூரத்தில் இருக்கும் `எச்.டி. 188753' என்ற நட்சத்திரத்தை வியாழன் போன்ற ஒரு ராட்சத வாயுக்கோள கிரகம் மிக நெருக்கமாக மூன்றரை நாட்களுக்கு ஒருமுறை சுற்றி வருகிறது.

இந்தக் கிரகம் சூரியனிலிருந்து பூமி இருக்கும் தூரத்தைக் காட்டிலும் இருபது மடங்கு குறைவான தூரத்தில் அதன் நட்சத்திரத்தை வலம் வந்துகொண்டிருக்
கிறது. இந்தக் கிரகம் வலம் வந்துகொண்டிருக்கும் மைய நட்சத்திரத்தை, வேறு ஒரு ஜோடி நட்சத்திரங்கள் சுற்றுகின்றன.

இதில் அதிசயம் என்னவென்றால், அந்த இரு நட்சத்திரங்களும் ஒன்றையொன்று 156 நாட்களுக்கு ஒருமுறை சுற்றிக்கொண்டு இருக்கின்றன. இந்த இரட்டை நட்சத்திரங்கள், சூரியனை சனி- யுரேனஸ் கிரகங்கள் சுற்றிவரும் தொலைவில் அந்த மைய நட்சத்திரத்தை 25.7 ஆண்டுகளுக்கு ஒருமுறை சுற்றுகின்றன.

இந்தக் கிரக அமைப்பை ஆராய்ச்சியாளர்கள் `விண்வெளி சர்க்கஸ்' என்று அழைக்கின்றனர். மேலும், இந்த மூன்று நட்சத்திரங்களும் வெவ்வேறு நிறமாக இருக்கின்றன. பிரதான நட்சத்திரம் மஞ்சள் நிறத்திலும், தொலைவில் வலம் வந்துகொண்டிருக்கும் நட்சத்திரங்கள் ஆரஞ்சு மற்றும் சிவப்பு நிறத்திலும் இருக்கின்றன.

எனவே இந்த வாயுக்கோள கிரகத்தின் சந்திரனில் இருந்து பார்ப்போருக்கு வானில் அதிசயக் காட்சியாக மூன்று சூரியன்கள் தெரியும். மேலும் மூன்று சூரியன்
களும் மஞ்சள், சிவப்பு, ஆரஞ்சு என்று வெவ்வேறு நிறங்களில் இருப்பதால் வானம் வர்ணஜாலமாகக் காட்சிஅளிக்கும்.

தினமும் மூன்றுமுறை சூரிய உதயங்களும், அஸ்தமனங்களும் நிகழும். அதைப் போல வெப்பமும் மூன்று மடங்கு அதிகமாக இருக்கும்.

வேர்டில் பிக்சர் ப்ளேஸ் ஹோல்டர்

வேர்ட் தொகுப்பில் ஆவணங்கள் உருவாக்கப்படுகையில், அதில் நிறைய
படங்கள் இணைப்பதாக இருந்தால், அதனால் ஆவணங்களைத் திருத்துவதில் தாமதம் ஏற்படுவதுண்டு. இதற்குக் காரணம் படங்களை வைத்துக் கொள்ள நினைவகத்தின் இடம் அதிகம் எடுக்கப்படுகிறது. ஆவணக் கோப்பினைத் திறக்கும்போதே இது தெரிய வரும். டெக்ஸ்ட் கிடைப்பதற்கும், படங்கள் கிடைப்பதற்குமான நேரத்தைக் கவனித்தால் இதனை நாம் உணரலாம். ஆவணங்களை விரைவாகத் திருத்துவதற்கென நாம் படங்களை நீக்கி வைக்கவும் முடியாது. இந்த சிக்கலைத் தீர்க்க வேர்ட் தொகுப்பில் ஒரு வழி உள்ளது. படங்கள் அதிகம் பயன்படுத்தி, வேர்டில் ஆவணங்களைத் தயாரிக்கையில் நாம் இந்த தீர்வைப் பயன்படுத்தலாம். இதற்கு வேர்ட் பிக்சர் பிளேஸ் ஹோல்டர் ( picture placeholder) என்று பெயர்.
இதனை இயக்கிவிட்டால் ஆவணத்தைத் திருத்துகையில் படங்கள் இருக்கும் இடத்தில் ஒரு கட்டம் மட்டுமே தெரியும். பிரிண்ட் பிரிவியூ பார்க்கையில் இந்த படங்கள் காட்டப்படும். டாகுமெண்ட்டைப் பிரிண்ட் செய்கையிலும் இந்த படங்கள் காட்டப்படும். ஆனால் டாகுமெண்ட்டை திருத்துகையில் கட்டம் மட்டுமே காட்டப்படும். இந்த வசதியை எப்படி கொண்டுவருவது என்று பார்ப்போம். Tools மெனு சென்று அதில் Options தேர்ந்தெடுத்து கிடைக்கும் விண்டோவில் View டேப்பினைத் தேர்ந்தெடுக்கவும். இதில் Picture Placeholders என்னும் இடத்தைக் கண்டுபிடித்து எதிரே உள்ள பாக்ஸில் டிக் அடையாளம் உருவாக்கவும். பின் ஓகே கிளிக் செய்து வெளியேறவும். இனி டாகுமெண்ட்களை எடிட் செய்கையில் படங்கள் கொண்டுவரப்படுவது இருக்காது; இதனால் நேரம் மிச்சமாகும்; வேகமாக ஸ்குரோல் செய்து எடிட் செய்திடலாம்.

வண்ணத்துப்பூச்சி பறந்த பனித்தீவு!

தற்போது வெள்ளை வெளேரென்று பனி படர்ந்த தீவாக இருக்கும் கிரீன்லாந்து, ஒரு காலத்தில் அடர்ந்த காடாக இருந்தது என்பது உங்களுக்குத் தெரியுமா?

இத்தீவின் தென்பகுதியில் ஒரு மைல் ஆழத்தில் இருந்து எடுக்கப்பட்ட சேற்று மண் படிவங்களில் இருந்து பூக்களின் மகரந்தங்களும், அதிலிருந்த பூச்சிகளின் மரபணுக்கும் ஆராய்ச்சி செய்யப்பட்டன.

அவற்றின் மூலம், 5 லட்சம் ஆண்டுகளுக்கு முன் வண்ணத்துப்பூச்சிகள், பட்டுப்பூச்சிகள், தேனீக்கள், வண்டுகள், சிலந்திப்பூச்சிகள் ஆகியவை வாழ்ந்த அடர்ந்த காடுகளுடன், பசுமையாகவும், வெப்பமாகவும் கிரீன்லாந்து இருந்தது தெரியவந்தது.

இப்பகுதியில், பைன், ஈவ், ஆல்டர், ஸ்பர்சி ஆகிய ஊசியிலை மரக் காடுகள் நிறைந்து இருந்திருக்கின்றன. கோடைகால வெப்பநிலை 10 டிகிரி சென்டிகிரே
டாகவும், குளிர்கால வெப்பநிலை மைனஸ் 17 டிகிரி சென்டிகிரேடாகவும் இருந்து வந்திருக்கின்றன. மேலும், மேலேயுள்ள பனியடுக்குகள் உருகினாலும் கூட, அடிமட்டப் பனியடுக்குகள் உருகுவதில்லை என்பதும், கடல் மட்டம் தற்போது இருப்
பதைவிட 30 மீட்டர் உயரத்தில் இருந்த விவரமும் தெரியவந்துள்ளது.

இதுவரை, இந்தக் காலகட்டத்தில் கடைசிப் பனியுகம் நிலவியதாகத்தான் பொதுவாகக் கருதப்பட்டது. அதற்கு மாறாக, இந்தக் காலகட்டத்தில் கிரீன்லாந்து தீவிலேயே வெப்பம் அதிகமாக இருந்திருப்பதால், பனியுகம் என்று கருதப்பட்ட காலகட்டத்திலும் பூமி மிகவும் வெப்பமாக இருந்தது தெரியவந்திருக்கிறது.

இருமலை‌ப் போ‌க்கு‌ம் தூதுவளை

ச‌ளி ‌பிடி‌ப்பதா‌ல் ஏ‌ற்படு‌ம் ப‌ல்வேறு உட‌ல் உபாதைக‌ளி‌ல் இருமலு‌ம் ஒ‌ன்று. ச‌ளி போனாலு‌ம் இரும‌ல் போகாம‌ல் பாடு படு‌த்து‌ம்.

இருமலை‌ப் போ‌க்க எ‌ளிதான வ‌ழி உ‌ள்ளது. தூதுவளை‌‌ இலையை 4 அ‌ல்லது 5 எடு‌த்து அத‌ன் மு‌ட்களை ‌நீ‌க்‌கி‌வி‌ட்டு கழு‌வி‌க் கொ‌ள்ளவு‌ம்.

இலை‌க்கு‌ள் 4 அ‌ல்லது 5 ‌மிளகு வை‌த்து வெ‌ற்‌றிலை‌ப் போ‌ல் மடி‌த்து வா‌யி‌ல் போ‌ட்டு மெ‌ன்று சா‌ப்‌பிட இர‌ண்டே நா‌ளி‌ல் மா‌ர்‌பு‌ச் ச‌ளி போ‌ய், தொட‌ர்‌ந்து வ‌ந்த கு‌‌த்த‌ல் இருமலு‌ம் காணாம‌ல் போகு‌ம்.

தூதுவளையை உளு‌த்த‌ம் பரு‌ப்பு, பு‌ளி வை‌த்து துவைய‌ல் செ‌ய்து‌ம் சா‌ப்‌பிடுவா‌ர்க‌ள். ச‌ளி ‌பிடி‌த்தவ‌ர்களு‌க்கு இ‌ந்த துவையலை‌ செ‌ய்து கொடு‌த்தா‌ல் எ‌ந்த மரு‌ந்து‌க்கு‌ம் அசராத ச‌ளியு‌ம் கரை‌ந்து காணாம‌ல் போ‌ய் ‌விடு‌ம்.

தூதுவளை இலை உடலு‌க்கு உஷ‌்ண‌த்தை‌க் கொடு‌க்கு‌ம் எ‌ன்பதா‌ல், சூ‌ட்டு உட‌ம்பு‌க் கார‌ர்க‌ள் அ‌திகமாக சா‌ப்‌பிட‌க் கூடாது.

வேர்ட் : டேபிள் டேட்டா டெக்ஸ்ட் ஆக

வேர்ட் தொகுப்பில் மிகத் திறனுடைய டேபிள் எடிட்டர் ஒன்று இணைந்து செயலாற்றுகிறது. இதன் மூலம் தான் நாம், டேபிள்களை உருவாக்கவும், பலவகை டேட்டாக்களுடன் அமைக்கவும் முடிகிறது. சில வேளைகளில் நாம் டேபிளில் டேட்டாவை அமைத்த பின்னர், அவற்றை சாதாரண டெக்ஸ்ட் ஆக மாற்ற விரும்பலாம். இதனை எப்படி உருவாக்குவது என்று இங்கு பார்க்கலாம்.
1. எந்த டேபிளில் உள்ள டேட்டாவினை டெக்ஸ்ட் ஆக மாற்ற வேண்டுமோ, அந்த டேபிள் முழுவதையும் தேர்ந்தெடுக்கவும்.
2. நீங்கள் இன்னும் பழைய வேர்ட் 97 பயன்படுத்துபவராக இருந்தால், டேபிள் மெனுவில் Convert Table to Text என்னும் பிரிவைத் தேர்ந்தெடுத்து இதனை மேற்கொள்ளலாம். அதன் பின்னர் வந்த பதிப்புகள் எனில், டேபிள் மெனுவிலிருந்து Convert என்பதனைத் தேர்ந்தெடுக்கவும். அதன் பின்னர் கிடைக்கும் மெனுவில் Table to Text என்பதைத் தேர்ந்தெடுக்கவும்.
3. இப்போது Convert Table to Text என்ற டயலாக் பாக்ஸ் கிடைக்கும். இந்த டேபிளில், நெட்டு வரிசைகளில் உள்ள டெக்ஸ்ட்டை எந்த கேரக்டர் (கால்புள்ளி, பாரா குறியீடு, டேப், சிறிய இடைக்கோடு) கொண்டு டெக்ஸ்ட் பிரித்து அமைக்கப்பட வேண்டும் என்பதனைத் தேர்ந்தெடுக்கவும்.
4.பின்னர் ஓகே கிளிக் செய்தால், டேபிளில் உள்ள டேட்டா, நீங்கள் தேர்ந்தெடுத்த குறியீடு கொண்டு பிரிக்கப்பட்ட டெக்ஸ்ட்டாக அமைக்கப்பட்டிருப்பதனைக் காணலாம்.

விக்கல் நல்லதா?

நமது வயிற்றையும், மார்புப் பகுதியையும் `டயபரம்' என்ற ஒரு பகுதி பிரிக்கிறது. சிலநேரங்களில், அதன் தசைநார்கள் திடீரென்றும், தன்னிச்சையாகவும் சுருங்கி விரிந்து செயல்படுகின்றன. அப்போது ஏற்படுவதுதான் விக்கல்.

விக்கல் நமது உடலுக்கு தேவையான - பயனுள்ள ஒன்றுதானா என்றால், `இல்லை' என்பதுதான் பதில். பெரும்பாலான விக்கல்கள் காரணம் இல்லாமலேயே தோன்றுகின்றன. அவ்வாறே தாமாகவே விரைவில் நின்றுவிடுகின்றன. ஓரிரு நிமிடங்களுக்கு மேல் அது நீடிப்பது மிகக் குறைவே.

அவ்வாறு விக்கல் ஏற்படும்போது, பொதுவாக ஒருவர் நிமிடத்திற்கு நான்கு முதல் 60 தடவைகள் விக்கல் வரக் கூடும். குறைந்தளவு நேரம் மட்டும் நீடிக்கும் அத்தகைய விக்கல்களுக்கு எவ்வித மருத்துவ சிகிச்சையும் தேவையில்லை.

ஆனால், சிலருக்கு சில நாட்கள்வரை இந்த விக்கல் விட்டுவிட்டு தொடரலாம். இதற்கு காரணம் ஏதாவது நிச்சயம் இருக்கும். அப்படிப்பட்ட நேரங்களில் உடனடியாக மருத்துவரை அணுகுவதுதான் நல்லது.

சிரிப்பு ஒரு மாமருந்து

'பற்றற்றவர் பற்றி நின்ற பரம் பொருள்
கற்றற்றவர் கற்றுக் கருதிய கண்ணுதல்
கற்றற்றவர் சுற்றி நின்ற என் சோதியைப்
பெற்றுற்றவர்கள் பிதற் றொழிந்தாரே.

உலகில் பிற உயிரினங்களுக்கும் பசி உணர்ச்சிகளும் உயிரை தக்க வைத்திடும், மற்றும் உயிரைக் காப்பாற்றும் உணர்ச்சிகளும் மிகுந்து இருந்தாலும் மனித இனம் அதையும் மீறி பேசும் வல்லமை பாடும் வல்லமை, சிரித்திடும் கலையை அறிந்திருக்கிறான்.
சிரித்திடும் சமயம் நமது முக அசைவுகள் அனைத்தும் தைராய்டு, பிட்யூட்டரி சுரப்பிகளின் திசுக்களை இயல்பாக்கி அமைதிப்படுத்துகின்றன. மேலும் 14 தசைகள் மட்டும் அச்சமயம் இயங்குகின்றன. பாரா சிம்பதடிக் நரம்புகள் ஆட்சி புரிகின்றன.கோபம் உச்சநிலை அடையும் சமயம் 100க்கும் மேற்பட்ட தசைகள், நாடி நரம்புகள் வேகம் கொண்டு சிம்பதடிக் நரம்புகள்(தானியங்கி) முறுக்கேறி அவசர நிலை பிரகடனப்படுத்தப்படுகிறது உடலில் இரத்தத்தில் அமிலம் மிகுகிறது.

எனவே நாம் வாழ்வில் நமது உணவின் அங்கம் போல் சிரிப்புக்கு, சிரிப்புக் கலையைக் கற்பதற்கு, கடைப்பிடிக்க சில நிமிடங்களாவது ஒதுக்கிடலாம்.
பிuனீணீக்ஷீs சிறீuதீ சிரிப்பு சங்கத்தில் சேரலாம்.
வாய்விட்டு சிரித்தால் நோய் விட்டுப் போகும். துன்பம் வரும் சமயமும் துவளாமல் சிரிப்புடன் எதிர் கொள்வது ஓர் அரிய கலை. அற்புதக் கலை.சிரிப்பு அலைகள் நம்மிடம் பிறரை ஈர்க்கும். கவலை அலைகள் பிறரை நம்மிடம் இருந்து விரட்டும்.சந்தோஷ அலைகள் நம்மை சுற்றி பாஸிடிவ் கரண்ட்டை பரப்பும்.
சோக அலைகள் நம்மைச்சுற்றி நெகடிவ் கரண்ட் தரும்.
எது தேவை முடிவு செய்யுங்கள் & சிரிப்பதற்கு கூட பயிற்சிகள் தேவைப்படுகின்றன. ஐந்து நிமிடம் காலையில் சிரித்துப் பழகலாம்.

நீங்கள் மகிழ்ச்சியாக, சந்தோஷமாக, சிரிக்கும் சமயம் மட்டுமே உங்கள் வீட்டில் இருந்து வெளி வாருங்கள். மகிழ்சி அலைகளைப் பரப்புங்கள் என்கிறார் சுவாமி விவேகானந்தர்.சோக அலைகள், துக்க சுவடுகளை, கவலை எண்ணங்களை வீட்டில் புதையுங்கள். வெளி உலகில் வந்து பரப்பாதீர்கள் என அறிவுறுத்துகிறார். ஆனால் நாம் யாரைப் பார்த்தாலும் நமது சோகக் கதையை கவலை மூட்டையை துக்க வியாபாரத்தை ஆரம்பிக்கிறோம்.

இனி வாழ்வில் இன்று முதல் சிரிப்பு வியாபாரம் தொடங்கலாம். அதனால் ஒரு நஷ்டமும் இல்லை. இதில் லாபம் மட்டுமேகிட்டும். இது உறுதி.அதிலும் பிறர் மனம் புண்படாத நிலை சிரிப்புகளுக்கு அதிக முக்கியத்துவம் தரலாம். உயிர் எழுத்துக்களை அ முதல் ஓ வரை வரிசையாக தொடர்ந்து வேகமாக உச்சரித்தால் சிரிப்பு அலைகள் உருவாகும்.
நம்மை சுற்றி நடக்கும் தவறான நிகழ்ச்சிகளில் ஈடுபடாமல் நாம் சாட்சியாக நிற்கும் சமயம் பல உண்மைகள் புரியும். பல நேரம் நமது தேவையே பிறக்கு தேவையிருக்காது. மேலும் நம்மால் ஏற்பட்ட தொல்லையும் நம் உறவினர்கள், நண்பர்களுக்கு குறையலாம்.

நாம் பொருள் உதவிகளை கேட்காமல் கொடுக்க வேண்டும்.நமது ஆலோசனை உதவிகளை மூன்று முறை கேட்ட பிறகே கொடுக்க வேண்டும்.இவ்விஷயத்தில் நாம் பல நேரம் மாறி தவறி விடுகிறோம்.சிரித்துப் பழக வேண்டும்.சிறுவர்களிடம் சிரித்துப் பழக வேண்டும்.சிறு குழந்தைகளைப் பார்த்து சிரித்துப் பழக வேண்டும்.சினம் அடையும் சமயம் சிரித்துப் பழக வேண்டும்.செயல்படும் போது சிரித்த முகத்துடன் பழகவேண்டும்.சிரிப்பு நமது வாழ்வின் மூச்சாக வேண்டும்.சோகம் நமது ஆரோக்கியச் செல்வத்தைக் குறைக்கும்.சிரிப்பு நமது ஆரோக்கியச் செல்வத்தை உயர்த்தும்.'சிரித்து வாழ வேண்டும். பிறர் சிரிக்க வாழ்ந்திடாதே' என்ற சிந்தனையுடன் சிரிப்பு வியாபாரத்தை இன்று தொடங்குங்கள். முதலில் வீட்டு உறவினர்களிடம் சிரிப்பு வியாபாரத்தை தொடங்குகள். எளிய வியாபாரம் & சிறப்பான உத்திகள்.கோப அலைகள் அனைத்தையும் சிரிப்பு அலைகளாக மாற்ற முயற்சி செய்யுங்கள். அது ஒரு அற்புதக் கலை.
வாழ்க்கை வானம் உங்களுக்கு வசப்படும் தூரந்தான். துணிச்சலின் சொந்தக்காரராக மாறிடுவீர்கள்.மகிழ்சியின் பொக்கிஷதாரராக ஆகிவிடுவீர்கள்.அதற்கான வழி தெரியவில்லையா? & இயற்கை உணவுகளும், கனி உணவுகளும் அப்பாதையை வெளிச்சம் போட்டுக் காட்டும். இயற்கை வாழ்வியல் வளமாக வழி நடத்திச் செல்லும். நாம் அதற்குத் தயாரா? சிரிக்கும்போது நைட்ரஜன் காற்று கூட நமக்கு சக்தி தரும். காற்றாக மாறும் வல்லமையைப் பெறுகிறோம். சிரித்துப் பழகுகிறவர்களுக்கு உணவின் தேவை குறைகிறது.

எக்ஸெல் தொகுப்பில்-செலக்ட் ஐட்டம் நிறம் மாற்ற

எக்ஸெல் தொகுப்பில் செல், வேர்டில் டெக்ஸ்ட், அவுட்லுக்கில் இமெயில் என எதனை செலக்ட் செய்தாலும், விண்டோஸ் தேர்ந்தெடுக்கப்பட்ட ஐட்டங்களை வேறு ஒரு வண்ணத்தில் காட்டும். பொதுவாக, மாறா நிலையில் இது கிரேயாகத் தோற்றமளிக்கும். இது ஆபீஸ் தொகுப்பின் மூலம் நடைபெறுவதல்ல. ஆபீஸ் தொகுப்பில் இந்த வண்ணத்தினைக் கட்டுப்படுத்தும் வழிமுறைகள் இல்லை. விண்டோஸ் வழி இதனை மேற்கொள்ளலாம். இதனால் மாற்றங்கள் ஏற்படுத்துகையில், இது ஆபீஸ் தொகுப்பு களில் மட்டும் நடைபெறாமல், விண்டோஸ் சிஸ்டத்தில் இயங்கும் அனைத்து தொகுப்புகளிலும் மேற்கொள்ளப்படும். கீழ்க்காணும் வழிகளில் இந்த செட்டிங்ஸ் அமைப்பை ஏற்படுத்தலாம்.
விண்டோஸ் எக்ஸ்பி பயன்படுத்துபவர்களுக்கு:
1. டெஸ்க்டாப் மீது காலியான இடத்தில் ரைட் கிளிக் செய்திடவும். கிடைக்கும் பட்டியலில் இருந்து, Properties தேர்ந்தெடுத்து கிளிக் செய்திடவும்.
2. அடுத்து கிடைக்கும் விண்டோவில், Appearance டேப் தேர்ந்தெடுக்கவும்.
3. பின்னர், இதில் Advanced என்பதில் கிளிக் செய்திடவும்.
4. இதில் Item என்று இருக்கும் இடத்தில் கீழ் குறி அம்பில் கிளிக் செய்து, விரியும் பட்டியலில் Selected Items என்பதைத் தேர்ந்தெடுக்கவும்.
5. கலர் 1 என்ற கீழ் விரியும் பட்டியலில் நீங்கள் தேர்ந்தெடுக்கும் செல், டெக்ஸ்ட், மெயில் போன்றவை எந்த வண்ணத்தில் இருக்க வேண்டும் என விரும்பும் வண்ணத்தினைத் தேர்ந்தெடுக்கவும்.
6. ஓகே இருமுறை கிளிக் செய்து வெளியேறவும்.
மேலே சொல்லப்பட்ட வழிமுறைகள் விண்டோஸ் 7 சிஸ்டத்தில் மாறும்.
1. டெஸ்க்டாப்பில் ரைட் கிளிக் செய்து Personalize என்பதைத் தேர்ந்தெடுக் கவும்.
2. திரையின் கீழாக உள்ள Window Color என்பதனைத் தேர்ந்தெடுக்கவும்.
3. பின்னர் Advanced Appearance Settings என்பதனைத் தேர்ந்தெடுக்கவும்.
4. இதில் Item என்று இருக்கும் இடத்தில், கீழ் குறி அம்பில் கிளிக் செய்து, விரியும் பட்டியலில் Selected Items என்பதைத் தேர்ந்தெடுக்கவும்.
5. Color 1 என்ற கீழ் விரியும் பட்டியலில் நீங்கள் தேர்ந்தெடுக்கும் செல், டெக்ஸ்ட், மெயில் போன்றவை எந்த வண்ணத்தில் இருக்க வேண்டும் என விரும்பும் வண்ணத்தினைத் தேர்ந்தெடுக்கவும்.
6. ஓகே இருமுறை கிளிக் செய்து வெளியேறவும்.

`அசைவ'த் தாவரங்கள்!

சில செடிகளின் மலர்கள், தங்களைத் தேடி வரும் பூச்சிகளையும், வண்டுகளையும் உணவாக உட்கொள்கின்றன. அமெரிக்கா, தென் ஆப்பிரிக்கா போன்ற இடங்களில் இது போன்ற தாவரங்களைக் காணலாம்.

ஜாடி போன்ற பூக்களைக் கொண்ட `பீட்சர்' என்ற தாவரமும், `சன் ட்' மலரும், `வீனஸ் பிளை டிராப்' மலரும் பூச்சிகளைக் கொன்று ருசிப்பதில் வல்லவை. சில தாவரங்கள் முழுநேரமும் பூச்சிகளையும், புழுக்களையும் உணவாக உட்கொள்வதையே வழக்கமாக வைத்திருக்கின்றன. உலகின் பல பகுதிகளிலும இந்தத் தாவரங்கள் காணப்படுகின்றன. இவற்றுக்கு `டிராசீரா', `டயானியா' என்று விஞ்ஞானிகள் அறிவியல் பெயர் சூட்டியிருக்கிறார்கள்.

இந்த அசைவத் தாவரங்கள் தங்களின் இலைகளில் மிகச் சிறிய ரோமம் போன்ற அமைப்புகளைக் கொண்டிருக்கின்றன. மெல்லிய ரோமங்களில் பசை போன்ற பொருள் காணப்படுகிறது. எனவே இவற்றின் மீது அமரும் புழு, பூச்சிகள் ஒட்டிக்கொள்கின்றன. பின்னர் அவற்றைத் தனது இலைகளால் மூடிச் சுருட்டிக் கொல்கிறது. அந்த உயிரினங்களை அமிலம் போன்ற சுரப்புகளால் கொஞ்சம் கொஞ்சமாகக் கரைத்துக் கிரகித்து விடுகிறது.

பின் மறுபடி இலையை விரித்து அடுத்த பூச்சியின் வரவுக்காகக் காத்திருக்
கிறது. இந்தத் தாவரம் மண்ணில் இருந்து நீரையோ, சத்துகளையோ எடுத்துக்கொள்வதில்லை. இத்தாவரங்களுக்குத் தேவையான சத்து முழுவதும் உயிரினங்களில் இருந்தே கிடைக்கிறது.

இதைப் போன்ற விசித்திரமான தாவரங்கள் இந்தியாவில் அரிது. அபூர்வமாக நம் நாட்டின் வறண்ட காடுகளிலும், சில சதுப்புநிலப் பகுதிகளிலும் காணப்படுகின்றன. இப்படி பூச்சிகளைக் கொன்று சாப்பிடும் தாவரங்கள் பெரிதாக இருக்கும் என்று நீங்கள் நினைத்தால் தவறு. இவை சிறிதாகவே இருக்கின்றன. 3 முதல் 5 அங்குலமே இருக்கும்.

கொசு விரட்டி... அபாயம்!

வெயில் காலம் முடிந்து, மழைக்காலம் தொடங்கியாச்சு. இனி கொசுக்களின் காலம். எங்கே சென்றாலும், பகலிலும் இரவிலும் கொசுகள் ரீங்காரமிட்டு, நம்முடைய ரத்தத்தை உறிஞ்சும்.

அப்படி கடி வாங்கப்போய், சில நோய்களும் இலவசமாக வந்துவிடுவதால், அதில் இருந்து தப்பிக்க கொசுவர்த்திச்சுருள், கிரீம் மற்றும் `மேட்'களை பயன்படுத்துவது தவிர்க்க முடியாததாகி விடுகிறது. இப்படி பயன்படுத்துவது ஆபத்தில்போய்தான் முடியும் என்று எச்சரிக்கிறார்கள் டாக்டர்களும், விஞ்ஞானிகளும்!

கொசுவர்த்திச் சுருள்களிலும், மேட்களிலும் செயற்கையாகத் தயாரிக்கப்பட்ட பல்வேறு ரசாயனக் கலவைகள் பயன்படுத்தப்படுகின்றன. இந்த ரசாயனங்களின் அடர்த்தி, நாம் இக்காற்றை சுவாசிக்கும் கால அளவு, அறையினுள் வரும் புதிய காற்றின் அளவு ஆகியவற்றைப் பொறுத்து இதனால் நமக்கு ஏற்படும் தீங்குகளின் அளவு நிர்ணயிக்கப்படுகிறது.

கொசுவை விரட்டுவதற்காக ஒருவர் தெடர்ந்து கொசுவர்த்திச்சுருள், மேட் ஆகியவற்றை பயன்படுத்தி வந்தால், அவருக்கு ரையீரலில் ஒருவித ஒவ்வாமை ஏற்பட்டு, அது முழுமையாக விரிவடையாமலும், அதன் கொள்ளளவுக்கு உண்டான காற்றை செயல்பாட்டிற்கு எடுத்துக்கெள்ள இயலாமலும் போய் விட வாய்ப்புகள் அதிகம் உள்ளதாக பல ஆய்வுகளில் நிரூபித்துள்ளனர்.

கொசு மேட்டில் இருந்து வெளிவரும் புகையை அப்போது பிறந்த அல்லது பிறந்து சில மாதங்களே ஆன பிஞ்சுக் குழந்தைகள் சுவாசித்தால், அவர்களுக்கு வலிப்பு நோய் ஏற்படுவதற்கான வாய்ப்புகள் இருப்பதாக கூறி எச்சரிக்கிறது லக்னோ பல்கலைக்கழகத்தில் நடத்தப்பட்ட ஆய்வு.

மும்பையில் நடத்தப்பட்ட ஒரு ஆய்வில், கொசு விரட்டிகளில் பயன்படுத்தப்படும் ரசாயனம் சிலருக்கு மலட்டுத்தன்மையை ஏற்படுத்தக்கூடியது என்பதும் உறுதி செய்யப்பட்டுள்ளது.

இதுதவிர, கொசு விரட்டியில் உள்ள டயேக்சின் புற்றுநோயை உருவாக்கக்கூடியது. அலெத்ரின் மனிதர்களின் உடல் எடையை மெல்ல மெல்ல இழக்கச் செய்யும் தன்மை கொண்டது.

சரி... இதற்கு வேறு என்னதான் வழி? ஒரே வழிதான்... அது - கொசுவலையை மட்டும் பயன்படுத்துங்கள்!

பள்ளி மாணவர்களுக்கான இணையதளம்

மாணவர்கள் தங்கள் படிக்கும் திறனை, பாடங்கள் வாரியாக எவ்வாறு தீட்டிக் கொள்ளலாம் என்று அறிவுரை சொல்லும் தளம் ஒன்றினை அண்மையில் கண்டேன். இந்த தளம் தரும் தகவல்களும், வழிமுறைகளும் மிகச் சிறப்பாகவும் பயனுள்ள்தாகவும் இருப்பதால், அது குறித்த தகவல்களை இங்கு தருகிறேன்.
இந்த தளத்தின் முகவரி : http://www.educationatlas.com/ studyskills.html.
படிக்கும் திறனைச் சிறப்பாக வளர்த்துக் கொள்ளல், படித்து புரிந்து கொள்ளும் திறனை அதிகப்படுத்திக் கொள்ளல், உங்களுடைய தனிப்பட்ட படிக்கும் திறன் குறித்து அறிந்து, அதனை வளர்த்துக் கொள்ளல், உங்கள் நேரத்தினைச் சிறப்பாக நிர்வகித்து, தேர்வுக்கு எப்படி தயார் செய்வது போன்ற பல வழிகளை மாணவர்களுக்குக் காட்டும் தளமாக இந்த இணைய தளம் மேலே குறிப்பிட்ட முகவரியில் இயங்கி வருகிறது.
இந்த தளம் சென்றவுடன் மூன்று பிரிவுகள் நம்மை வரவேற்கின்றன. முதல் பிரிவு General Study Skills Guides. . பொதுவான படிக்கும் திறன் வளர்க்கும் வழிகள். பாடங்கள் குறித்த உரைகளை எப்படித் தீர்க்கமாகக் கேட்டு அறிவது, குறிப்புகள் எடுப்பது, படித்து அறிந்து கொள்வது, தேர்வு குறித்த ஆர்வம் போன்ற செய்திகள் இங்கு கிடைக்கின்றன.
அடுத்த பிரிவான Test Taking Study Skills Guides என்ற பிரிவு, மாணவர்கள் எவ்வாறு தேர்வு களை மேற்கொள்ளலாம் என்று வழி நடத்துகிறது. பல்வேறு வகையான தேர்வுகள் குறித்து தகவல்கள் வழிகாட்டப் படுகின்றன. (சரி/சரியல்ல, கொள்குறிவினா, கட்டுரை, வாய்மொழித் தேர்வு எனப் பல வகை) அடுத்த மூன்றாவது பிரிவு, பாடங்கள் வாரியாக படிக்கும் திறனை வளர்த்துக் கொள்வது குறித்த தகவல்களைத் தருகிறது. இதில் தரப்பட்டிருக்கும் பாடங்கள்:– Accounting, Biology, Business, Chemistry, Computer Science, Economics, Education, English, Engineering, History, Law, Math, Physics, Political Science, and Psychology.
இந்த தளம் குறித்து சில மாணவர்களிடம் தெரிவித்த போது, ஒவ்வொருவரும் ஒரு வகையான பயனைப் பெற்றதாகத் தெரிவித்தனர். தொடர்ந்து பயன் படுத்தி வருவதாகவும் அறிவித்தனர். நீங்களும் இதனைப் பயன்படுத்தும் வழிகளை உங்கள் குழந்தைகளுக்கும், தெரிந்த மாணவர்களுக்கும் சொல்லலாமே.

வ‌யி‌று கோளாறு‌க்கு சோ‌ற்று‌க் க‌ற்றாழை

சோற்றுக் கற்றாழையின் சோறு 10 முறை கழுவியது 1 கிலோ, விளக்கெண்ணெய் 1 கிலோ, பனங்கற்கண்டு அரை கிலோ, வெள்ளை வெங்காயச் சோறு அரை கிலோ ஆகியவற்றைக் கலந்து சிறு‌ந்தீயில் பதமாகக் காய்ச்சி வடிகட்டி இரண்டுவேளை 15 மில்லியளவு குடித்துவர மந்தம், வயிற்று வலி, பசியின்மை, குன்மக் கட்டி, ரணம், புளியேப்பம், பொருமல் ஆகியவை குணமாகும்.

இதும‌ட்டு‌ம் அ‌ல்லாம‌ல் பெரும் ஏப்பம், பசியின்மை, குன்மம், தண்டு வலி, வயிற்றுப் பொருமல், அடிவயிறு வீக்கம், மலச்சிக்கல், நரம்புச் சூடு தணியும்.

இதே எண்ணெயை 5 மில்லி அளவு (1 தேக்கரண்டி) 2 வேளை குடித்து காரம், புளி உள்ள உணவு வகைகளை நீக்கி சாப்பிட்டு வர மேக நோய் பலவீனமாகும்.

எரிச்சல், நீர்க்கசியும் கிரந்தி, அரிப்பு, தினவு, மஞ்சள் மற்றும் சிவப்பு நிறத்தில் நீர் ஒழுகுதல், தாது இழப்பு, அரையாப்பு, தொடைக்கட்டி, அக மற்றும் புற உறுப்புகளில் உள்ள இரணங்கள், சீழ் வடிதல், மலச்சிக்கல், குணமாகும்.

மண் சிகிச்சை

ஆர்க்கு மரிதா மருந்து & தானே ஆதிய நாதியுமான மருந்து சேர்க்கம் புதிதா மருந்து & தன்னைத் தேடுவோர் தங்களை நாடு மருந்து -வள்ளலார்
மண் குளிர்ச்சி தன்மை உடையது. உலக ஜீவன்களின் உணவு ஆதாரம் மண் தன்மை & பொறுமையின் சிகரம். மண் தந்த வரங்களில் முதல் தரம் தாவரம். மண் & தாவம், தரம், வரம் & தவத்திற்கான இடம். மன அழுத்தம் மிகும் சமயம் இரத்த ஓட்டம் மூளை, தலை, நெற்றி கண் உறுப்புக்களுக்கு அதிகரிக்கிறது. மன உளைச்சல் மிகுதியாகிறது. வயிற்றின் ஜீரண மண்டலம் பாதிப்பு அடைகிறது. வயிற்றில் அமிலம் மிகுதிப்படுகிறது.
அச்சமயம் நெற்றியில் மண் பட்டியும் வயிற்றில் மண் பட்டியும் பூசி 20 நிமிடம் வரை ஓய்வு எடுக்கலாம். தண்ணீர் குடித்து இச்சிகிச்சையைச் செய்யலாம். நன்றாக ஓய்வு, உறக்கம், மன அமைதி கிட்டும். மன உளைச்சல் விலகும்.

இதுபோல் மண் குளிய்ல சிகிச்சையும் உண்டு. வாரம் ஒருமுறை எடுக்கலாம். வெயில் காலங்களில் மூன்று தினங்களுக்கு ஒருமுறை குளிக்கலாம்.கால்படாத 2 அடி ஆழத்தில் உள்ள வண்டல், செம்மண், களிமண் எடுத்து வெயிலில் உலர்த்தி சலித்து பயன்படுத்தலாம். அல்லது .. எனப்படும் புற்றுமண் (ரெடிமேட் மண்) உடனடியாக பயன்படுத்தும் தன்மையில் உள்ளது. ஒரு நபருக்கு மண் குளியலுக்கு ஒன்று முதல் இரண்டு கிலோ மண் வரை தேவைப்படும். நெற்றிப்பட்டி, வயிற்றுப்பட்டி, மூட்டுப் பட்டிகளுக்கு 250 கிராம் வரை தேவைப்படலாம்.

இரவு நீரில் ஊறவைத்து மறுநாள் பயன்படுத்தலாம். அல்லது நீரில் கரைத்து தோசைமாவுப் பதத்தில் பயன்படுத்தலாம்.மண் சிகிச்சைகளை கூடியவரை வெறும் வயிற்றில் செய்யவேண்டும். வெயில் நேரங்களில் பகலில், சூரிய கதிர்கள் இருக்கும் சமயம் செய்யலாம்.

கண் பகுதிகள் தவிர மற்ற உடல்கள் முழுவதும் ஈர மண்ணை தலை முதல் பாதம் வரை 10 மி.மீ அவு கனத்தில் பூமி அமரலாம். ஓய்வெடுக்கலாம்.நன்றாக காய்ந்து உலர விடவேண்டும் மண் நமது இயக்கத்தில்
, இயந்திர செயல் , இரசாயனச் செயல் , வெப்ப செயல் , மனநிலை மாற்ற செயல் என நான்கு அற்புத வழிகளில் பணி புரிகிறது. உடல் கழிவுகளை கலைத்து வெளியேற்றுகிறது. இரத்தம் அமிலத்தன்மை குறைகிறது ஆகிறது. சுத்தமடைகிறது. குளிர்ச்சி தன்மை அடைவதால் தலைஅழுத்தம், மன அழுத்தம் மட்டுப்படுகிறது. உடலில் இரத்தத்தில் மனமாற்றம், வேதியில் மாற்றம், பிராண சக்தியை உயர்த்தும் காந்த அலைகள் உள் திசுக்களிலும் உருவாகி உந்தப்படுகிறது. உள் திசுக்களில் பொட்டாசியம் அதிகரித்து சோடியம் உப்புக்கள் குறைய ஆரம்பிக்கின்றன.

நமது இயக்கம் பாரா சிம்பதடிக் நரம்பு கண்ட்ரோலுக்கு வருகிறது. இயக்கம் இயல்பாகிறது. தெளிவான சிந்தனையும் கிட்டுகிறது.20 முதல் 30 நிமிடம் கழித்து காய்ந்த மண்ணை உதிர்த்து விட்டு நன்றாக நீரில் குளித்துவிடவேண்டும்.மண் குளியல் எடுத்த தினத்தில் குளிர்பானங்கள், தயிர், பிரிட்ஜ் தண்ணீர் போன்ற அதிகுளிர்ச்சி பானங்கள், உணவுகளைக் கண்டிப்பாக நிறுத்த வேண்டும்.

இயற்கை மருத்துவ முகாமில் அனைவரும் விரும்பும் சிகிச்சையில் ஒன்று மண் குளியல் சிகிச்சை, குழந்தைகள் முதல் வயோதிகர்கள் வரை குளிக்கலாம்.
நடை சென்றவர்கள், வெளியில் பயணம் சென்று வந்தபோது மன உளைச்சல், இரத்த ஓட்டம், அதிக அளவிலும் மனம் அலை பாய்ந்தும் இருக்கும்.
அச்சமயங்களில் குளிர்ந்த நீர் பாதக் குளியல் எடுக்கலாம்.ஒரு மரப்பெஞ்சு அல்லது மர ஸ்டூலில் அமர்ந்து இருகால்களையும் குளிர்ந்த நீர் உள்ள அகன்ற பாத்திரம், குண்டாவில் அமிழ்த்து வைக்கவும். முழங்கால் வரை நீர் இருக்கலாம். அச்சமயம் நல்ல இசை, தியானம், இணைக்கலாம். பஜன் செய்யலாம். பத்து முதல் இருபது நிமிடம் இருக்கலாம்.அல்லது இரண்டு முதல் மூன்று நிமிடம் மாறி மாறி மூன்று முறை செய்யலாம்.

மன அழுத்தம் விலகும். மனம் சாந்தி அடையும். கால் வலி குறையும் வெயில் காலங்களில் செய்வது நல்லது. பாத எரிச்சல் குடைச்சல் குறையும்.
பார்க்கப் பசி போ மருந்து , தன்னைப் பாராதவர்களைச் சேரா மருந்து
கூர்க்கத் தெரிந்த மருந்து , அநுகூல மருந்தென்று கொண்ட மருந்து

கணினிக் கலைச்சொற்கள்

"ஆயக்கலைகள் அறுபத்தி நான்கு" என்பர். அவற்றில் ஓவியக் கலை, நடனக் கலை, சிற்பக் கலை என்பவற்றை மட்டுமே கலைகளாக பார்ப்போர் உளர்; ஆனால் அவ்வாறின்றி போர் கலை, கணிதக் கலை என ஒவ்வொரு துறையையும் ஒவ்வொரு கலையாகவே பழந்தமிழர் வகைப்படுத்தினர். அந்தவரிசையில் தற்போதைய தொழில்நுட்பக் கலை, கணனிக் கலை போன்றவற்றையும் இணைத்துக்கொள்ளலாம். அத்துடன் ஒவ்வொரு கலை சார்ந்த சொற்களும் காலத்துக்கு காலம் தமிழறிஞர்களாலும், தமிழ் ஆர்வலர்களாலும் உருவாக்கப்பட்டே வந்துள்ளன. அவற்றையே கலைச்சொற்கள் என்றழைக்கப்படுகின்றன. அவ்வாறே கணினியில் தமிழ் எழுத்துக்கள் தோன்றியக் காலம் முதல், தமிழ் கணினி கலைச்சொற்களின் உருவாக்கமும் தோற்றம் பெறத்தொடங்கி விட்டது. இதில் கணினித் தமிழ் ஆர்வலர்கள், இணையத் தமிழ் சமூக குழுமங்கள், ஊடகத் துறையினர், எழுத்தாளர்கள், அரச திணைக்களங்கள், பல்கலைக்கழகங்கள் மற்றும் கணினி பயனர்கள் என பலரதும் பங்கு உள்ளது.

அவ்வாறு உருவாக்கப்பட்ட கணினிக் கலைச்சொற்களில் நிலைப்பெற்றவையும் நில்லாமல் மறைந்து விடுபவையும் உள்ளன. இங்கே பெரும்பாலும் இணையப் பயன்பாட்டில் அதிகம் பயன்படும் 635 ஆங்கில கணினிச் சொற்களையும் அதற்கான தமிழ் கணினிக் கலைச்சொற்களையும் அட்டவணையாக இட்டுள்ளேன்.

ஆங்கிலக் கணினிச் சொற்களின் உச்சரிப்பு பயிற்சி பெற விரும்புவோருக்கான ஒலிதக் கோப்பினை கீழே சொடுக்கி பயிற்சி பெறலாம். (விரைவில் இணைக்கப்படும்)

No:	English Terms	கலைச்சொல்லாக்கம்
1.	Access	அணுக்கம்
2.	Accuracy	துல்லியம்
3.	Action	செயல்
4.	Activate	இயக்கு
5.	Active cell	இயங்கு கலன்
6.	Active file	நடப்புக் கோப்பு
7.	Activity	செயல்பாடு
8.	Adapter card	பொருத்து அட்டை
9.	Adaptor	பொருத்தி
10.	Address	முகவரி
11.	Address bus	முகவரி பாட்டை
12.	Address modification	முகவரி மாற்றம்
13.	Addressing	முகவரியிடல்
14.	Administrator	நிர்வாகி
15.	Album	தொகுப்பு
16.	Algorithm language	நெறிப்பாட்டு மொழி
17.	Algorithm	நெறிமுறை
18.	Alignment	இசைவு
19.	Allocation	ஒதுக்கீடு
20.	Alpha testing	முதற்கட்ட சோதனை
21.	Alphabet	அகரவரிசை/நெடுங்கணக்கு
22.	Alphabetical	அகர வரிசைப்படி
23.	Alphanumeric	எண்ணெழுத்து
24.	Ambiguation	கவர்படுநிலை
25.	Amplified	பெருக்கப்பட்ட
26.	Analog representation	ஒப்புமை மீள்வடிவாக்கம்
27.	Analog	ஒப்புமை
28.	Analytical Engine	பகுப்பாய்வு பொறி
29.	Animation	அசைவூட்டம்
30.	Anonymous	அநாமதேய
31.	Anti-virus	நச்சுநிரற்கொல்லி/நச்சுநிரல் எதிர்ப்பான்
32.	Appearance	தோற்றம்
33.	Append	பின்சேர்
34.	Applet	குறுநிரல்
35.	Application level	பயன்பாட்டு நிலை
36.	Application programmer	பயன்பாட்டு நிரலாளர்
37.	Application programming	பயன்பாட்டு நிரலாக்கம்
38.	Application programs	பயன்பாட்டு நிரல்கள்
39.	Application service provider	பயன்பாட்டுச் சேவை வழங்குனர்
40.	Application software	பயன்பாட்டு மென்பொருள்
41.	Application	செயலி
42.	Architecture	கட்டமைப்பு
43.	Archive file	காப்பகக் கோப்பு
44.	Archive gateway	காப்பக நுழைவாயில்
45.	Archive	காப்பகம்
46.	Archiving	காப்பகப்படுத்தல்
47.	Area search	பரப்பில் தேடல்
48.	Arithmetic	எண் கணிதம்
49.	Array processor	அணிச் செயலி
50.	Array	அணி
51.	Arrow key	திசை விசை/திசை குறி
52.	Artificial intelligence	செயற்கை நுண்ணறிவு
53.	Assembler	பொறிமொழியாக்கி
54.	Assembly Language	பொறி மொழி
55.	Audio blog	ஒலிதப்பதிவு
56.	Audio	ஒலிதம்
57.	Auto block	தானியங்கித் தடை
58.	Auto restart	தானியக்க மீள்தொடக்கம்
59.	Automated data processing	தன்னியக்கத் தரவுச் செயலாக்கம்
60.	Automatic	தன்னியக்க
61.	Auxiliary equipments	துணைக்கருவிகள்
62.	Auxiliary function	துணைச்செயற்கூறு
63.	Auxiliary memory	துணை நினைவகம்
64.	Auxiliary operation	துணை செயல்பாடு
65.	Auxiliary storage	துணை தேக்கம்
66.	Availability	கிடைத்தல்
67.	Axes	அச்சுகள்
68.	Back up	காப்புநகல்/காப்புநகலெடு
69.	Background	பின்னணி
70.	Backspace	பின்நகர்வு
71.	Bar chart	பட்டை வரைப்படம்
72.	Bar code	பட்டைக்குறிமுறை
73.	Bar code scanner	பட்டைக்குறிமுறை வருடி
74.	Bar printer	பட்டை அச்சுப்பொறி
75.	Basic	அடிப்படை
76.	Batch processing	தொகுதிச்செயலாக்கம்
77.	Beta	அறிமுகப் பதிப்பு
78.	Binary Code	இரும குறிமுறை
79.	Binary device	இருமக் கருவி
80.	Binary digit	இரும இலக்கம்
81.	Binary number	இரும எண்
82.	Binary operation	இரும செயற்பாடு
83.	Binary system	இரும கட்டகம்
84.	Bit map display	நுண் படக் காட்சி
85.	Bit map scanning	நுண் பட வருடி
86.	Bit mapped screen	நுண் பட திரை
87.	Bit values	நுண்மியின் மதிப்புகள்
88.	Bit	நுண்மி
89.	Bitmap	நுண் படம்
90.	Bit-mapped font	நுண் பட எழுத்துரு
91.	Blank character	வெற்றுரு
92.	Blank page	வெற்றுப்பக்கம்
93.	Blanking	வெறுமைப்படுத்தல்
94.	Block	தடை
95.	Blog	வலைப்பதிவு
96.	Blog info	வலைப்பதிவு தகவல்கள்
97.	Blog tools	வலைப்பதிவுக் கருவிகள்
98.	Blogger	வலைப்பதிவர்
99.	Blogger circle	வலைப்பதிவர் வட்டம்
100.	Blogging	வலைப்பதிதல்
101.	Bookmark	புத்தகக் குறி
102.	Boot	தொடக்கு
103.	Border	கரைகள்
104.	Branching	கிளைப்பிரிதல்
105.	Bridge	இணைவி
106.	Broadband	அகலப்பட்டை
107.	Browser	உலாவி
108.	Browsing	உலாவுதல்
109.	Buddy	நண்பர்
110.	Bug	வழு
111.	Bug report	வழு அறிக்கை
112.	Bus	பாட்டை
113.	Cache	தேக்கம்
114.	Calculating	கணக்கிடல்
115.	Calculation	கணக்கீடு
116.	Calculator mode	கணிப்பான் நிலை
117.	Calculator	கணிப்பான்
118.	Cancel	தவிர்
119.	Capacity	கொள்திறன்
120.	Carriage return	ஏந்தி மீளல்
121.	Catalog	விவரப்பட்டியல்
122.	Category	பக்கவகை
123.	CD burning	குறுவட்டு எரித்தல்
124.	CD player	இறுவட்டு இயக்கி
125.	Center	மையம்/நடுவம்
126.	Central processing unit (CPU)	மையச் செயலகம்
127.	Central processor	மையச் செயலி
128.	Chain printer	தொடர்ப்பதிப்பான்
129.	Change	மாற்றல்/மாற்று
130.	Channel	தடம்
131.	Character	வரியுரு
132.	Character code	வரியுருக் குறி
133.	Character map	வரியுரு வரைப்படம்
134.	Character recognition	வரியுரு அறிதல்
135.	Character set	வரியுருக்கணம்
136.	Character string	வரியுருச்சரம்
137.	Chart	வரைப்படம்
138.	chat	அரட்டை
139.	Checkbox	தேர்வுப்பெட்டி
140.	Chips	சில்லுகள்
141.	Clear	துடை
142.	Click	சொடுக்கு
143.	Clipboard	மறைப்பலகை
144.	Close	மூடு
145.	Closed file	மூடப்பட்ட கோப்பு
146.	Cloud computing	முகிலக் கணிப்பு
147.	Collection	திரட்டல்
148.	Color coding	வண்ணக் குறிமுறை
149.	Color graphics	வண்ன வரைகலை
150.	Color	வண்ணம்/நிறம்
151.	Column split	நெடுவரிசைப் பிரிப்பு
152.	Column	நெடுவரிசை
153.	Command key	கட்டளை விசை
154.	Command	கட்டளை/ஆணை
155.	Comment	கருத்துரை/பின்னூட்டம்/முன்னிகை
156.	Comments moderation	கருத்துரை மட்டுறுத்தல்
157.	Common storage	பொதுத்தேக்கம்
158.	Common	பொது
159.	Communication link	தொடர்பு இணைப்பு
160.	Communication processor	தொடர்பு செயலகம்
161.	Communication satellite	தொடர்பு செயற்கைக்கோள்
162.	Communication software	தொடர்பு மென்பொருள்
163.	Communication protocols	தொடர்பு நெறிமுறைகள்
164.	Community portal	சமுதாய வலைவாசல்
165.	Compact disc (CD)	குறுவட்டு/இறுவட்டு
166.	Comparative operator	ஒப்பீட்டு இயக்கி
167.	Compare	ஒப்பிடு
168.	Comparison	ஒப்பிடுதல்
169.	Compilation	தொகுப்பு
170.	Compiler	தொகுப்பி
171.	Complier language	தொகுப்பு மொழி
172.	Component	உறுப்புக்கூறு
173.	Compress	அழுத்து/அமுக்கு
174.	Computer engineer	கணிப் பொறியாளர்
175.	Computer game	கணினி விளையாட்டு
176.	Computer graphic	கணினி வரைகலை
177.	Computer language	கணினி (நிரல்) மொழி
178.	Computer motherboard	கணினி தாய்பலகை
179.	Computer network	கணினி வலையமைப்பு
180.	Computer operation	கணினிச் செயல்பாடுகள்
181.	Computer program	கணனி நிரல்
182.	Computer resources	கணினி வளங்கள்
183.	Computer user	கணினி பயனர்
184.	Computer utility	கணனி பயனமைப்பு
185.	Computer	கணினி
186.	Computerization	கணினிமயமாக்கல்
187.	Computerized data base	கணினிமய தரவு தளம்
188.	Computerized data processing	கணினிமய தரவு செயலாக்கம்
189.	Computing	கணினிப்பணி
190.	Condition	நிபந்தனை/நிலை
191.	Configuration	அமைவடிமம்
192.	Connectors	இணைப்பான்கள்
193.	Console	முனையம்
194.	Constants	மாறிலிகள்
195.	Content policy	உள்ளடக்கக் கொள்கை
196.	Contributions	பங்களிப்புகள்
197.	Contributor	பங்களிப்பாளர்/பங்களிப்போர்
198.	Control key	கட்டுப்பாட்டு விசை
199.	Control panel	கட்டுபாட்டு பலகை/கட்டுப்பாட்டகம்
200.	Control program	கட்டுப்பாட்டு நிரல்
201.	Control statement	கட்டுப்பாட்டுக்கூற்று
202.	Control structure	கட்டுப்பாட்டு உருவம்
203.	Control system	கட்டுப்பாட்டு கட்டகம்
204.	Control unit	கட்டுப்பாட்டு பிரிவு
205.	Conversion	மாற்றம்
206.	Convert	மாற்று
207.	Cookie	நினைவி
208.	Copy protection	நகல் காப்பு
209.	Copy	பிரதி/நகல்
210.	Copyright status	பதிப்புரிமை நிலை
211.	Copyright	பதிப்புரிமை
212.	Core storage	வளையத் தேக்கம்
213.	Cost analysis	விலைப் பகுப்பாய்வு
214.	Cost benefit analysis	விலை பயன் பகுப்பாய்வு
215.	Cost effectiveness	விலை பயன் திறன்
216.	Create	உருவாக்கு
217.	Crop	செதுக்கு
218.	Current events	நடப்பு நிகழ்வுகள்
219.	Cursor	சுட்டி
220.	Curve fitting	வளைக்கோட்டுப் பொருத்தம்
221.	Custom software	தனிப்பயன் மென்பொருள்
222.	Customize	விருப்பமை/தனிப்பயனாக்கு
223.	Cut	வெட்டு
224.	Cyber	மின்வெளி
225.	Dashboard	கட்டுப்பாட்டகம்
226.	Data	தரவு
227.	Data catalog	தரவு விவரப்பட்டியல்
228.	Data flow	தரவுப் பொழிவு
229.	Data processing	தரவுச் செயலாக்கம்
230.	Database	தரவுத்தளம்
231.	Decimal digit	பதின்ம இலக்கம்
232.	Decimal number	பதின்ம எண்
233.	Decimal point	பதின்ம புள்ளி
234.	Decimal	பதின்மம்
235.	Decode	குறிமுறை நீக்கு/நீக்கி
236.	Decompress	விரிவாக்கு
237.	Default	முன்னிருப்பு/இயல்பிருப்பு
238.	Definite	திட்டமிட்ட/தெளிவான
239.	Delete	அழி
240.	Deletion	அழித்தல்
241.	Description	விவரணம்/விளக்கம்
242.	Design	வடிவமைப்பு
243.	Desktop computer	மேசை கணினி
244.	Desktop	முகத்திரை
245.	Destination	அடையுமிடம்
246.	Developer	மேம்படுத்துனர்
247.	Device	கருவி
248.	Diagram	விளக்கப்படம்
249.	Digital	எண்மின்
250.	Disambiguated	தெளிவாக்கிய/தெளிவுப்படுத்திய
251.	Disambiguation	தெளிவாக்கம்/தெளிவாக்கல்
252.	Discovery	கண்டறி/கண்டறிதல்
253.	Discuss	கலந்தாலோசி
254.	Disk drive	வட்டு இயக்கி
255.	Display name	தோற்றப்பெயர்
256.	Distribute	வினியோகி/வினியோகப்படுத்து
257.	DNS	கொப்பெகம் [(கொ)ற்ற(ப்பெ)யர்க்(க)ட்டக(ம்)]
258.	Document	ஆவணம்
259.	Documentation	ஆவணமாக்கம்
260.	Domain	கொற்றம்/ஆள்களமையம்
261.	Domain Name System	கொற்றப் பெயர்க் கட்டகம்
262.	Double click	இரட்டைச் சொடுக்கு
263.	Download	பதிவிறக்கம்
264.	Drag	இழு
265.	Driver	இயக்கி
266.	Drum plotter	உருளை வரைவு
267.	Drum printer	உருளை அச்சுப்பொறி
268.	Drum scanner	உருளை வருடி
269.	E-book	மென்நூல்
270.	Edit	தொகு/மாற்று
271.	Edit profile	சுயவிபரத்தை மாற்று
272.	Editor	தொகுப்பாளர்
273.	Educational software	அறிவியல் மென்பொருள்
274.	Effective	பயன்விளையத்தக்க
275.	Effects	விளைவுகள்
276.	E-governance	மின்-அரசாண்மை
277.	Electrical signal	மின் சமிக்ஞை
278.	Electronic	மின்னணு
279.	E-mail	மின்னஞ்சல்
280.	Embedded	பொதிந்துள்ள
281.	Emulation	போலச்செய்தல்
282.	Encoding	குறியாக்கம்
283.	Encyclopedia	கலைக்களஞ்சியம்
284.	End	முடிவு
285.	Equation	சமன்பாடு
286.	Erase	அழி
287.	Eraser	அழிப்பான்
288.	Expansion slots	விரிவாக்க செருகுவாய்கள்
289.	Expiry	கெடுமுடிவு/காலாவதி
290.	Extended info	விரிவாக்கப்பட்ட தகவல்
291.	External links	வெளி இணைப்புகள்
292.	External search engine	வெளித்தேடுபொறி
293.	FAQ	அடிக்கடி கேட்கப்படும் கேள்விகள்
294.	Features	அம்சங்கள்
295.	Field	புலம்
296.	File	கோப்பு
297.	File management	கோப்பு மேலாண்மை
298.	File share	கோப்பு பகிர்வான்
299.	File sharing	கோப்பு பகிர்தல்
300.	Find	கண்டறி/தேடு
301.	Firewall	தீயரண்
302.	Firmware	நிலைப்பொருள்
303.	Flat monitor	தட்டை திரையகம்
304.	Floppy drive	நெகிழ் வட்டு
305.	Flow chart	நெறிமுறை விளக்கப்படம்
306.	Folder	கோப்புறை
307.	Font	எழுத்துரு
308.	Font and word processor	எழுத்துருவும் சொல் செயலாக்கியும்
309.	Font name	எழுத்துரு பெயர்
310.	Footer	அடிப்பாகம்
311.	Formal language	வடிவ மொழி
312.	Format	வடிவம்/வடிவூட்டம்
313.	Formatting	வடிவமைத்தல்
314.	Formula	சூத்திரம்
315.	Free software	இலவச மென்பொருள்
316.	Function	செயற்கூறு/செயற்பாடு
317.	Gallery	காட்சியகம்
318.	Gateway	நுழைவாயில்
319.	Global dashboard	கோளக் கட்டுப்பாட்டகம்
320.	Global Positioning system	கோள இருப்பிடக் கட்டகம்
321.	Grammar checker	இலக்கணத் திருத்தி
322.	Graphic	வரையியல்/வரைகலை
323.	Group	குழுமம்
324.	Guest	விருந்தினர்
325.	Hand held devices	கையடக்கக் கருவிகள்
326.	Hand held Scanner	கையடக்க வருடுபொறி
327.	Handwriting recognition	கையெழுத்து அறிதல்
328.	Hard disc	வன்வட்டு
329.	Hardware	வன்பொருள்
330.	Header	தலைப்பு
331.	Help center	உதவி மையம்
332.	Help group	உதவி குழுமம்
333.	High speed computer	அதிவேகக் கணினி
334.	Higher level language	உயர்நிலை மொழி
335.	Home	முகப்பு
336.	Homepage	முகப்புப்பக்கம்
337.	Horizontal line	கிடைக்கோடு
338.	Host computer	புரவலர் கணினி
339.	Hyphenation	சொல் பிரித்தல்
340.	Icon	உருச்சின்னம்/படவுரு
341.	Identity	அடையாளம்
342.	iDNS	வலைக்கொற்றப் பெயர்க் கட்டகம்
343.	iDomain	வலைக்கொற்றம்
344.	Ignore	புறக்கணி
345.	Image	படிமம்
346.	Import	இறக்கம்
347.	Incompatible	முரண்பாடு
348.	Indefinite	திட்டமிடாத
349.	Index	சுட்டெண்
350.	Index variable	சுட்டுமாறி
351.	Information	தகவல்
352.	Information data	தகவல் தரவு
353.	Information super highways	தகவல் மீப் பெருவழிகள்
354.	Information technology	தகவல் தொழில்நுட்பம்
355.	Input unit	உள்ளீட்டுப் பகுதி
356.	Insert	உள்ளிடு/செருகு
357.	Install	நிறுவு
358.	Installation	நிறுவுதல்
359.	Integrated chips	சுற்றமைப்புச் சில்லுகள்
360.	Integrated circuit chips	ஒருங்கிணைப்பு சுற்றமைப்புச் சில்லுகள்
361.	Inter language	மொழியிடை
362.	Interactive sites	ஊடாட்ட தளங்கள்
363.	Interests	ஆர்வங்கள்
364.	Interface	இடைமுகம்/இடைமுகப்பு
365.	Internal	உள்ளக
366.	Internal error	உள்ளகத் தவறு
367.	International	பன்னாட்டு
368.	International (DNS)	பன்னாட்டுக் (கொப்பெகம்)
369.	Internet	இணையம்
370.	Internet protocol address	இணைய நெறிமுறை முகவரி
371.	Internet protocol (IP)	இணைய நெறிமுறை
372.	Internet service provider (ISP)	இணையச் சேவை வழங்குனர்
373.	Interpreter	வரிமொழிமாற்றி/இடைமாற்று
374.	Invalid	செல்லாத/செல்லுபடியாகாத
375.	Invention	கண்டுப்பிடிப்பு
376.	Italic text	சாய்வெழுத்து
377.	Iteration	பன்முறைச் செய்தல்
378.	Java script	ஜாவா ஆணைத்தொகுதி
379.	Key	விசை
380.	Keyboard	விசைப்பலகை/தட்டச்சுப்பலகை
381.	Keypad	விசைத்தளம்
382.	Keyword	குறிப்புச்சொல்
383.	Landscape	அகலவாக்கி
384.	Laptop computer	மடிக்கணினி
385.	Layout	தளவமைப்பு
386.	LCD Monitor (Liquid Crystal Display)	திரவ பளிங்குத் திரையகம்
387.	Left click	இடதுச் சொடுக்கு
388.	Lexing error	தொகுத்தல் தவறு
389.	License	உரிமம்
390.	Light pen	எழுதுகோல்
391.	Line	கோடு/வரி
392.	Link	இணைப்பு/தொடுப்பு
393.	List	பட்டியல்
394.	Live	நேரடி
395.	Log in	புகுபதி/உற்புகு
396.	Log out	விடுபதி/வெளியேறு
397.	Machine language	பொறிமொழி
398.	Machine translation	எந்திர மொழிபெயர்ப்பு
399.	Magnetic disk	காந்த வட்டு
400.	Magnetic tape	காந்தா நாடா
401.	Main Page	முகப்புப்பக்கம்/முதற்பக்கம்
402.	Maintenance page	மேலாண்மைப் பக்கம்
403.	Management	ஆளுமை/முகாமைத்துவம்
404.	Mechanical calculator	எந்திர கணிப்பான்
405.	Media	ஊடகம்
406.	Media player	ஊடக இயக்கி
407.	Memory unit	நினைவகப் பகுதி
408.	Memory	நினைவகம்
409.	Menu	பட்டியல்
410.	Metadata	தரவு விவரம்
411.	Micro processor	நுண் செயலி
412.	Microphone	ஒலிவாங்கி
413.	Modem	இணக்கி
414.	Moderation	மட்டுறுத்தல்
415.	Moderator	மட்டுறுத்துனர்
416.	Monetize	மதிப்புடைச்செய்
417.	Monitor	கணித்திரை/திரையகம்
418.	More features	கூடுதல் அம்சங்கள்
419.	Motherboard	தாய்ப்பலகை
420.	Mouse	சொடுக்கி
421.	Multimedia	பல்லூடகம்
422.	Multitasking	பல்பணியாக்கம்
423.	My account	எனது கணக்கு
424.	Natural language	இயற்கை மொழி
425.	Navigation	வழிசெலுத்தல்
426.	Negative	எதிர்வு
427.	Network	பிணையம்/வலையமைப்பு
428.	Networking	வலைப்பின்னல்
429.	Neutral point of view	நடுநிலைநோக்கு
430.	New post	புதிய இடுகை
431.	Non-terminals	முடியா முனையங்கள்
432.	Notation	குறிமானம்
433.	Note	குறிப்பு
434.	Number	எண்
435.	Numeral	எண் முறை
436.	Object	பொருள்
437.	Offline	இணைப்பறு/இணைப்பின் வெளியே
438.	Online	இணைப்பில்
439.	Operating system	இயங்குக் கட்டகம்
440.	Option	தேர்வு
441.	Orphaned pages	உறவிலிப் பக்கங்கள்
442.	Other languages	பிறமொழிகள்/ஏனைய மொழிகள்
443.	Outsourcing	அயலாக்கம்
444.	Package	பொதி
445.	Packets	பொட்டலங்கள/பொதிகள்
446.	Page layout	பக்க வடிவமைப்பு
447.	Page views	பக்கப் பார்வைகள்
448.	Page	பக்கம்
449.	Panel	பலகை
450.	Paperless office	தாளில்லா அலுவலகம்
451.	Paragraph	பந்தி
452.	Parallel processing computers	இணைச் செயலாக்க கணினிகள்
453.	Parent category	முதன்மை பக்கவகை
454.	Password	கடவுச்சொல்
455.	Paste	ஒட்டு
456.	Patch	பொருத்து
457.	Peripherals	உபகரணங்கள்
458.	Permission	அனுமதி
459.	Personal Computer	தனி கணினி
460.	Photograph	புகைப்படம்
461.	Picture	படம்
462.	Piracy	களவுநகலாக்கம்
463.	Plug in	சொருகு/சொருகி
464.	Pointer	சுட்டு
465.	Portable Printer	கையடக்க அச்சுப்பொறி
466.	Portal	வலைவாசல்
467.	Post	இடுகை
468.	Posting	இடுகையிடல்
469.	Posts	இடுகைகள்
470.	Preferences	விருப்புத்தேர்வுகள்
471.	Presentation	அளிக்கை
472.	Press	அமுக்கு
473.	Preview	முன்தோற்றம்
474.	Principals	கோட்பாடு
475.	Print	அச்சிடு
476.	Printer	அச்சுப்பொறி
477.	Privacy	தனிக்காப்பு/தனிமறைவு
478.	Problem	சிக்கல்/பிரச்சினை
479.	Processor	செயலி
480.	Program	நிரல்
481.	Programmers	நிரலர்கள்
482.	Programming language	நிரலாக்க மொழி
483.	Prompt	தூண்டி
484.	Protect	காப்புச்செய்
485.	Protection log	தடைப்பதிகை
486.	Protocols	நெறிமுறைகள்
487.	Proxy Server	பதில் சேவையகம்
488.	Public domain	பொதுக்கொற்றம்/பொதுக்களம்
489.	Publications	வெளியீடுகள்
490.	Publish	பதிவிடு/வெளியிடு
491.	Publisher	பதிப்பாளர்
492.	Publishing	பதிப்பிடல்
493.	Query	வினா/வினவல்
494.	RAM (Random access memory)	நினைவகம்
495.	Random Page	ஒழுங்கிலாப் பக்கம்
496.	Recent changes	அண்மைய மாற்றங்கள்
497.	Recovery tool	மீட்சி கருவி
498.	Redirects	வழிமாற்றிகள்
499.	Redo	செய்தது தவிர்/திரும்பச்செய்
500.	Reference desk	எடுகோள் மேடை
501.	Reference	எடுகோள்
502.	Refresh	புதுப்பி
503.	Reinstall	மீள்நிறுவு
504.	Release	வெளியீடு
505.	Remember me	என்னை நினைவில் வை
506.	Removal	அகற்றல்
507.	Remove	அகற்று
508.	Replace	மீள்வை
509.	Reprogramming	மறுநிரலாக்கம்
510.	Required	வேண்டப்பட்ட/தேவைப்பட்ட
511.	Reset	மீட்டமை
512.	Restore	மீள வை/ மீள்வி
513.	Result	விளைவு
514.	Review	மீளாய்வு
515.	Revision	புதிபித்தல்/திருத்தம்
516.	Right click	வலச்சொடுக்கு
517.	Root	மூலம்
518.	Root directory	மூல அடைவு
519.	Router	வழிச்செயலி
520.	Row	குறுக்கு வரிசை/நிரை
521.	Rule	விதி/விதிமுறை
522.	Save	சேமி
523.	Save as	என சேமி
524.	Scanner	வருடுபொறி
525.	Screensaver	திரைக்காப்பு
526.	Search	தேடு/தேடல்
527.	Search engine	தேடு பொறி
528.	Search query	தேடல் வினா
529.	Search	தேடல்/தேடு
530.	Section	பகுதி
531.	See also	இவற்றையும் பார்
532.	Select	தேர்வுசெய்
533.	Sensor	உணரி
534.	Server	வழங்கி
535.	Sessions	அமர்வுகள்
536.	Setting	அமைப்புகள்
537.	Share my profile	எனது சுயவிவரத்தை பகிர்
538.	Shared files	பகிரப்பட்ட கோப்புகள்
539.	Shareware	பகிர்மானம்
540.	Shortcut	குறுவழி/குறுக்குவழி
541.	Show all	எல்லாம் காண்பி
542.	Shutdown	அணை/மூடு
543.	Sign in	புகுபதிகை/புகுபதிவு
544.	Sign off	விடுபதிகை/விடுபதி
545.	Sign out	வெளியேறு
546.	Single click	தனிச் சொடுக்கு
547.	Sister Projects	பிற திட்டங்கள்
548.	Site feed	தள ஓடை
549.	Socket	பொருத்துவாய்
550.	Software	மென்பொருள்
551.	Software package	மென்பொருள் பொதி
552.	Sorting algorithms	தீர்வு நெறிகள்
553.	Sorting and searching	வரிசையாக்கமும் தேடலும்
554.	Sound Card	ஒலிக்கிரமி
555.	Source code	மூலவரைவு
556.	Source	மூலம்
557.	Space	வெளி/இடைவெளி
558.	Spacing	இடைவெளியிடல்
559.	Spam	எரிதம்
560.	Speaker	ஒலிப்பெருக்கி
561.	Special pages	சிறப்பு பக்கங்கள்
562.	Specification	விவர வரையறை
563.	Spell checker	சொற்பிழை திருத்தி
564.	Split	பிரிப்பு
565.	Spooler	சுருளி
566.	Spreadsheet	விரித்தாள்
567.	Standard	நியமம்/தரப்பாடு
568.	Standardisation	தரப்படுத்துதல்
569.	Stats	புள்ளிவிவரங்கள்
570.	String literals	சர மதிப்புருக்கள்
571.	Structured programming	கட்டுரு நிரலாக்கம்
572.	Stub	குறுங்கட்டுரை
573.	Subtitle	துணையுரை
574.	Suffix	பின்னொட்டு
575.	Super Computer	மிகுவேகக் கணினி/மீக்கணினி
576.	Support	உதவி
577.	Syntax error	தொடரமைப்புத் தவறு
578.	Sysop	முறைமைச் செயற்படுத்துனர்
579.	System operator	கட்டக இயக்குநர்
580.	System programmer	கட்டக நிரலாளர்
581.	System	கட்டகம்
582.	Tab	தத்தல்
583.	Technology	தொழில் நுட்பம்
584.	Template	வார்ப்புரு
585.	Terminal	முனையம்
586.	Terms of service	சேவை விதிமுறைகள்
587.	Text formatting	உரை வடிவம்
588.	Text to speech	உரையை பேச்சாக்குதல்
589.	Text to voice	உரையைக் குரலாக்குதல்
590.	Theme	தோற்றக்கரு
591.	Theory	தேற்றை
592.	Thesis	தேற்று
593.	Time zone	நேரவலையம்
594.	Title	தலைப்பு
595.	Toolbar	கருவிப்பட்டை
596.	Top level domain	உயர் மட்டக் கொற்றம்
597.	Transistor	திரிதடையம்
598.	Trash	குப்பை
599.	Uncategorized	வகைப்படுத்தப்படாதவை
600.	Undo	செய்தவிர்/செய்ததைத் தவிர்
601.	Unit	பிரிவு
602.	Update	இற்றைப்படுத்து
603.	Upgrade	மேம்படுத்து/மேம்படுத்தல்
604.	Upload	பதிவேற்று
605.	URL	(இணைய) முகவரி
606.	User	பயனர்
607.	User account	பயனர் கணக்கு
608.	User’s guide	பயனர் வழிக்காட்டி
609.	Utility	பயனமைப்பு
610.	Vandalism	நாசவேலை
611.	Variable	மாறி/மாறுப்படுகிற
612.	Version	பதிப்பு
613.	Video blog	ஒளிதப் பதிவு
614.	Video	ஒளிதம்/காணொளி
615.	View profile	சுயவிவரம் காண்பி
616.	View	பார்வை
617.	Viewer	பார்வையாளர்
618.	Virtual server	மெய்நிகர்ச் சேவையகம்
619.	Virus	நச்சுநிரல்
620.	Visitor	வருகையாளர்
621.	Voice mail	குரலஞ்சல்
622.	Voice recognition	குரலறிதல்/குரல் இணங்காண்பி
623.	Volume	ஒலியளவு
624.	Watch list	கவனிப்புப் பட்டியல்
625.	Watch	கவனி
626.	Website	இணையத்தளம்
627.	Window	சாளரம்
628.	Wireless	கம்பியில்லா
629.	Wish list	விருப்பப்பட்டியல்
630.	Wizard	வழிகாட்டி
631.	Word processor	சொற் செயலி
632.	Working environment	பணிச்சூழல்
633.	Worksheet	பணித்தாள்
634.	Workstation	பணிநிலையம்
635.	World Wide Web (WWW)	வைய விரிவு வலை

மொழிப்பெயர்ப்பும் கலைச்சொல்லாக்கமும்

மொழிப்பெயர்ப்பு என்பதற்கும் கலைச்சொல்லாக்கம் என்பதற்கும் இடையில் அதிக வேறுப்பாடு உண்டு. மொழிப்பெயர்ப்பு என்பது ஆங்கிலச் சொல்லுக்கான நேரடி பொருள் பெயர்ப்பாகும். கலைச்சொல்லாக்கம் என்பது ஒவ்வொரு துறையும் சார்ந்தும் அவற்றின் பொருளை எளிதாக உணர்த்தும் வண்ணம் உருவாக்கப்படும் சொற்களாகும்.

நேரடி மொழிப்பெயர்ப்பு சொற்கள்:

Application = விண்ணப்பம்
architecture = கட்டடக்கலை
Home = வீடு

கணினித் துறைச்சார்ந்து உருவாக்கப்பட்ட கலைச்சொற்கள்:

Application = செயலி
architecture = கட்டமைப்பு
Home = முகப்பு

நிலைக்கும் கலைச்சொற்கள்

ஏனையத் துறைகளைப் போலவே, கணினித் துறையிலும் உருவாக்கப்பட்ட கணினிக் கலைச்சொற்களில் நிலைப்பெற்றவையும் நில்லாமல் மறைந்தவையும் உள்ளன. அதேவேளை ஒரே பொருள் கொண்ட இரண்டு மூன்று சொற்கள் பயனரின் விருப்பிற்கமைய பயன்படுத்தப்படுபவையும் உள்ளன.

"Blog = வலைப்பூ, வலைமனை, வலைப்பக்கம், வலைப்பதிவு" போன்ற கலைச்சொற்களில் தற்போதும் பெரும்பாலும் நிலைத்து நிற்கும் சொல் "வலைப்பதிவு" மட்டுமே ஆகும்.

"Comment = விமர்சனம், கருத்துரை, முன்னிகை, பின்னூட்டம்" என பலசொற்கள் இருந்தாலும், அநேகமானோர் பயன்படுத்தும் சொற்கள் "கருத்துரை, பின்னூட்டம்" போன்றவைகள் மட்டும் தான்.

இருப்பினும் இவ்வாறு ஒரே சொல்லுக்கான பல சொற்கள் இருப்பதில் எவ்விதக் குறையும் இல்லை. அவை குறித்த சொல்லின் சரியான பொருளைத் தருமாயின் அவற்றை ஒத்தக்கருத்துச் சொற்களாகக் கொள்ளலாம். அது எம் தமிழின் சொல்வளத்தை மேலும் பெருக்கிக்கொள்ள உதவும்.

ஒலிப்பெயர்ப்பு சொற்கள்

ஆங்கிலத்திலிருந்து கலைச்சொற்களாக மாற்றக்கூடாத, மொழிப்பெயர்க்கக் கூடாத சொற்களும் உள்ளன. எடுத்துக்காட்டாக இலங்கையில் உள்ள "மகாராஜா நிறுவனம்" எனும் பெயரில் உள்ள "மகாராஜா" என்பதனை எடுத்துக்கொள்ளுங்கள். அதனை "The great King என்றோ, Emperor" என்றோ ஆங்கிலத்தில் மொழிப்பெயர்த்து எழுதுதல் முற்றிலும் தவறானது ஆகும். ஏனெனில் அது ஒரு பதிவுசெய்யப்பட்ட வணிகப் பெயராகும்; அதனாலேயே மகாராஜா என்பதனை ஆங்கிலத்தில் எழுதினாலும் அப்படியே ஒலிப்பெயர்ப்பு செய்யப்பட்டு "Maharaja" என்று எழுதப்படுகின்றது. அவ்வாறே கணினித் துறையிலும் இணையத்திலும் காணப்படும் பதிவுசெய்யப்பட்ட வணிகப் பெயர்களை எம்மொழியில் எழுதினாலும், அவற்றை ஒலிப்பெயர்த்து பயன்படுத்துதலே சரியானதாகும்.

Google = கூகிள்
Yahoo = யாஹு
மகாராஜா = Maharaja (Organization Limited)

கலைச்சொல் உருவாக்குனர்கள்

இந்த அட்டவணையில் காணப்படும் தமிழ் கணினிக் கலைச்சொற்களில் அதிகமானவை இணையத்தில் பரவலாக பயன்படும் சொற்களின் தொகுப்பே ஆகும். என்னால் உருவாக்கப்பட்டவை "Branching = கிளைப்பிரிதல், Customize = விருப்பமை (தனது விருப்பத்திற்கு ஏற்ப அமைத்தல்)" போன்ற ஒரு சில சொற்கள் மட்டுமே ஆகும். கணிசமானவை விக்சனரி குழுமத்தினரால் கலந்தாய்வு செய்து பெறப்படும் சொற்களில் பொருத்தமானவைகளாக நான் கருதும் சொற்கள், குறிப்பாக இராம.கி ஐயாவினால் அறிமுகப்படுத்தும் அருமையான கலைச்சொற்கள் இவ்வட்டணையில் உள்ளடக்கப்பட்டுள்ளன.

எடுத்துக்காட்டாக:

Moderation = மட்டுறுத்தல்
Post = இடுகை
Comment = பின்னூட்டம்/முன்னிகை
System = கட்டகம்
Domain = கொற்றம்

தமிழ் மொழிக்கும், தமிழ் கலைச்சொல்லாக்கத்திலும் இராம.கி ஐயாவின் பங்களிப்பு காலத்தால் போற்றத்தக்கவை. இவரது வலைப்பதிவை எல்லோரும் கட்டாயம் பார்க்கவேண்டும். கலைச்சொற்கள் எவ்வாறு உருவாக்கப்படுகின்றன என்பதனையும் இவரது இடுகைகள் ஊடாக அறிந்துக்கொள்ளலாம்.

இராம்.கி ஐயாவின் வலைப்பதிவு: http://valavu.blogspot.com/
அண்ணா பல்கலைக்கழகத்தின்: கணிப்பொறிக் கலைச்சொல் அகராதி பதிவிறக்கம்

குறிப்பு: கணினி கலைச்சொற்களை தொகுத்து வழங்குவதன் நோக்கம், இன்றைய கணினி உலகில் பயன்படும் ஆங்கில கணினிச்சொற்களுக்கு இணையான கலைச்சொற்கள் எல்லோரையும் சென்றடைய வேண்டுமென்பதே ஆகும். இத்தொகுப்பு மின்னஞ்சல் ஊடாக கோரப்படும் பலரது வேண்டுகோளுக்கு இணங்கவே இடப்பட்டுள்ளது. அதேவேளை இவை மேலும் தமிழ் கணினி உலகில் பலருக்கும், குறிப்பாக புதிதாக கணினி உலகிற்குள் நுழையும் இளையோருக்கும் பயன்படக் கூடியதாகவும் அமையும்.

நண்டுகளால் `டிராபிக் ஜாம்

சீனாவில் சமீபத்தில் ஏற்பட்ட 10 நாம் `டிராபிக் ஜாம்' உலக சரித்திரத்தில் இடம்
பிடித்துவிட்டது. இதைவிட வினோதமாக, நண்டு விளையாட்டால் மாதக் கணக்கில் டிராபிக் ஜாம் ஏற்படுகிறது தைவான் நாட்டில்.
அங்குள்ள கென்டிங் தேசிய பூங்கா அருகே ஒரு கடற்கரை உள்ளது. அதையொட்டி பிரதான கடற்கரை சாலையும் செல்கிறது. தற்போது நண்டுகளின் இனபெருக்க காலமாகும். அதனால் 40 வகையான நண்டு இனங்கள் தங்கள் இனபெருக்க வேலையில் இறங்கி உள்ளன.
நண்டுகள் நடுரோட்டில் நின்றுகொண்டு `நண்டூறுது, நரியூறுது' விளையாட்டில் ஈடுபடுகின்றன. கடற்கரையில் நண்டுகள் விளையாடினால் ரசிக்கும் மனிதர்கள், நடுரோட்டில் நண்டுகளை பார்த்ததும் எரிச்சலாகிவிடுகிறார்கள். ஒன்று, இரண்டல்ல சாலை முழுவதும் ஆயிரக்கணக்கான நண்டுகள் லீலை செய்கின்றன. குஞ்சுகளை அழைத்து வலம் வருகின்றன. அவைகளும் ஒருவித சததத்தை எழுப்புவதாக வாகன ஓட்டிகள் கூறுகிறார்கள்.
அவசர கோலத்தில் வரும் வாகனங்கள் ஏராளமான நண்டுகளை அடித்து நசுக்கிவிட்டு செல்கின்றன. ஆனால் பெரும்பாலான வாகன ஒட்டிகள் பொறுபானவர்களாக இருபதால், நண்டுகள் நகர்ந்து செல்லும் வரை தங்கள் வாகனங்களை நிறுத்தி விடுகிறார்கள். இதனால் `டிராபிக் ஜாம்' ஏற்படுகிறது. `நண்டு இனபெருக்க சீசன் ஆரம்பித்து ஒரு வார காலத்திற்கும் இந்த நிலை என்றால் இன்னும் ஒரு மாத காலத்திற்கு என்ன நிலைமையோ' என்று புலம்புகிறார்கள், டிரைவர்கள்.

ரத்த சோகையை போக்கும் நெல்லிக்காய் ஜாம்

ரத்தத்தில் கால்சியம், இரும்பு சத்து குறைவால் வளர் இளம் பெண்கள், இளைஞர்கள் அதிகளவில் ரத்த சோகை ஏற்பட்டு முகம் வெளிறி காணப்படுவர். ""ஹீமோகுளோபினை அதிகரிக்க நெல்லிக்காய் ஜாம் தொடர்ந்து சாப்பிட்டால் புத்துணர்ச்சி பெறலாம்,'' என்கிறார் சிவகாசி மாறன்ஜி.
தேவையான பொருட்கள்:
ஒரு கிலோ நெல்லிக்காய், 1.25 கிலோ வெல்லம், சுக்கு 25 கிராம், ஏலக்காய் 10 கிராம்.
செய்முறை: நெல்லிக்காயை 700 மி.லிட்டர் நீரில் நன்கு வேகவைத்து அதிலிருந்து கொட்டைகளை நீக்கிவிடவும். வெல்லத்தை துருவலாக்கி நெல்லிக்காய் வேகவைத்த நீரில் பாகுபோல் காய்ச்சவும். கொட்டை நீக்கிய நெல்லிக்காயை மிக்சியில் அடித்து, கொதிநிலையில் உள்ள வெல்லப்பாகு உடன் சேர்த்து தொடர்ந்து கிளற வேண்டும். இப்போது நெல்லிக்காய் ஜாம் ரெடி. இதனை சூடாக சாப்பிடக்கூடாது. ஜாடியில் வைத்து ஆற வைத்து தினசரி தேவைக்கு ஏற்ப பயன்படுத்தி கொள்ளலாம். ஒருமுறை ஜாம் தயாரித்தால் ஆறுமாதம் வரை பயன்படுத்தலாம். அரைமணிநேரத்தில் தயாரித்து விடலாம்.
மருத்துவ பயன்கள்:
வெல்லத்தில் மிகுந்துள்ள இரும்பு சத்தும், நெல்லிக்காயில் உள்ள கால்சியம் சத்தும் நம் ஆரோக்கியத்தை மேம்படுத்தும். ரத்த சோகை உள்ளவர்கள் இதைதொடர்ந்து பயன்படுத்தினால் ரத்தத்தில் ஹீமோகுளோபின் அளவு கூடி சிவப்பு அணுக்கள் அதிகரிக்கும்.
இட்லி, தோசை, சப்பாத்தி போன்ற உணவு வகைகளுடன் சேர்த்து சாப்பிடலாம். தயாரிப்பில் சந்தேகம் இருந்தால் தாய்வழி இயற்கை உணவகத்தை 93674 21787 தொடர்பு கொள்ளலாம்.

மின்காந்த அலைகள் என்றால் என்ன? மின்சாரமும், காந்தமும் ஒருவிதமாகச் சேரும்போது ஏற்படும் சக்தியின் வெளிப்பாடே `மின்காந்த அலைகள்' (`எலக்ட்ரோ மேக்னட்டிக் வேவ்ஸ்') ஆகும். இது பூமியிலிருந்தும், இந்தப் பிரபஞ்சத்தில் உள்ள எல்லாப் பொருட்களிலிருந்தும் இயற்கையாகவே எழுகிறது. சூரியனிலிருந்து நமக்கு வரும் ஒளி கூட ஒருவித மின்காந்த அலையே.

இந்த மின்காந்த அலைகளின் அலைநீளத்தைப் பொறுத்து இவற்றின் தன்மை மாறுபடும். அவ்வாறு மாறுபட்ட தன்மைகள் பலவிதமாக வெளிப்படுகின்றன. அவை, ரேடியோ அலைகள், மைக்ரோ அலைகள், ஒளி அலைகள், அகச்சிவப்புக் கதிர்கள், புறஊதாக் கதிர்கள், எக்ஸ் கதிர் மற்றும் காமா கதிர் ஆகும்.

ஒரு கடத்தியில் (கண்டக்டர்) மின்சாரம் பாயும்போது, அதைச் சுற்றி காந்தப் படலம் உண்டாகிறது என்று கண்டறிந்தார்கள். அதற்கு எதிர்மறையாக ஒரு மாறுகின்ற காந்தப் படலத்தைச் சுற்றியுள்ள ஒரு கடத்தியின் வழியாக மின்சாரம் பாய்கிறது என்று மைக்கேல் பாரடே கண்டுபிடித்தார்.

மாறுகின்ற மின்னோட்டம் ஒரு மின்காநத அலையை உருவாக்குகிறது என்று 1873-ல் மேக்ஸ்வெல் கண்டறிந்தார். அது வெளிப்புறமாக, ஒளியின் வேகத்தில் பாய்கிறது. நம் கண்ணுக்குத் தெரியும் ஒளியே ஒருவித மின்காந்த அலைதான். அந்த ஒளி அலையானது, மின்காந்த அலைவரிசையில் மிகச் சிறிய பாகத்தையே கொண்டிருக்கிறது. மேக்ஸ்வெல்லின் கொள்கைகள் இன்றும் உபயோகத்தில் உள்ளன.

மேக்ஸ்வெல்லின் கோட்பாடு, விண்வெளியியலில் மிக முக்கியமான முன்னேற்றத்தை ஏற்படுத்தியது. ஏனென்றால், பூமியில் மட்டுமல்லாது, பிரபஞ்சத்தில் உள்ள அத்தனை பொருட்களில் இருந்தும் மின்காந்த அலைகள் உற்பத்தியாகின்றன என்று தெரியவந்தபோது, அவற்றைப் பற்றிய நிறைய விஷயங்களை இன்னும் ணுக்கமாக ஆராய்வது மேலும் எளிதானது.

மிக அதிக அலை நீளம் உள்ள மின்காந்த அலைகள், ரேடியோ அலைகள் என்று அழைக்கப்படுகின்றன. இவை, இரண்டு அடியிலிருந்து 10 கி.மீ. வரை அலைநீளம் கொண்டதாக இருக்கும். இவை மூன்றடிக்குக் கீழே இருந்தால் `மைக்ரோ அலைகள்' எனப்படுகின்றன. ரேடியோ அலைகள் மைக்ரோ அலைகளை விட அலைநீளத்தில் குறைந்திருந்தால் அவை அகச்சிவப்புக் கதிர்கள் எனப்படுகின்றன. அவற்றைக் கண்ணால் பார்க்க முடியாது. ஆனால் அவற்றின் வெப்பத்தை உணர முடியும்.

கிருமிகளைக் கண்டுபிடித்தவர்!

முதன்முதலாக காலரா கிருமிகளையும், மற்ற நோய்க் கிருமிகளையும் கண்டுபிடித்தவர் ஜெர்மன் விஞ்ஞானி ராபர்ட் கோக். 1883-ம் ஆண்டில் நோய்க் கிருமிகளை அவர் கண்டுபிடித்தார். அவர் பெயரால் அமைந்துள்ள ஆய்வகம், இன்று காலரா கிருமிகளை முறியடிப்பதில் முக்கியப் பங்கு வகிக்கிறது.

ராபர்ட் கோக் பல்வேறு ஆராய்ச்சிகளை மேற்கொண்டார். காசநோய்க் கிருமிகள், காலரா கிருமிகள், காயங்களில் தொற்றும் கிருமிகள் ஆகியவற்றைக் கண்டுபிடித்து, அவற்றைத் தடுக்கும் முறைகளையும் முதன்முதலில் கண்டுபிடித்தார்.

அதற்குப் பின்புதான் மனிதர்களுக்கும், விலங்குகளுக்கும் ஏற்படுகின்ற பல கொடிய நோய்களை அடையாளம் கண்டுபிடிக்கும் முறைகள் வகுக்கப்பட்டன. இன்றைக்கும்கூட கிருமிகளால் உண்டாகும் நோய்களைப் பற்றிய ஆய்வுகளுக்கு ராபர்ட் கோக்கின் கண்டுபிடிப்புகளே ஆதாரமாய் விளங்குகின்றன.